“Düşünürəm ki, aksiya çox vacibdir. Dünya ictimaiyyətinə ərazidəki problemi, rus sülhməramlılarının ermənipərəst mövqe sərgimələrini, onları müdafiə etmələrini çatdırdıq. Biz bir daha gördük ki, erməni cəmiyyəti, mediası, dövlət strukturları, vətəndaş cəmiyyətləri nə qədər özlərini ləyaqətsiz apardılar. Yalandan şər atırlar bizə”.

Bu sözləri Ednews-a qazi, jurnalist Rey Kərimoğlu Laçın-Şuşa yolunda davam edən aksiydan fikir bildirərkən deyib. O, qeyd edib ki, aksiyada olduğu müddətdə əhali çox aktiv idi. Hədəflərini bilən, həqiqətən də sülhməramlı, dinc aksiya keçirilir.

“Ermənilərin iddia etdiyi kimi orada heç kəsin yolunu kəsməmişdik. Sadəcə olaraq ekoloqlarımızı əraziyə buraxmırdılar. Vətəndaş cəmiyyəti də ekoloqlara dəstək olurdular ki, yolu açın əraziyə gedək. Orada Xankəndindən, Xocalıdan insanlar vardı. Öz yurdumuza getmək istəyirdik. 2020-ci ildə imzalanan 10 Noybar Sazişində sülhməramlı kontingentin mandatına daxildir. Bütün köçkünlərin əraziyə qaytarılması. Bunlar erməniləri qaytarıblar, Azərbaycandan bir adam da qaytarmırlar. Bütün bunların fonunda yolu bağladılar”.

R.Kərimoğlu aksiyanın yalnız bir şərtlə dayandırıla biləcəyindən də söz açıb:

“Aksiyanın tələbi var. Tələblər yerinə yetirilsə, yaxud da hər hansı bir addımlar atılsa aksiya dayandırla bilər. Aksiyaya minlərlə insan qoşulur. Hələ yenə də qoşulmaq istəyənlər var. Mənə də müracitə edənlər çoxdur. Ərazi qapalı yer olduğundan hər kəsi buraxa bilmirlər. Qocası, cavanı hər kəs çox mətanətlə, ləyaqətlə dözürlər. Orada yaşlı qadınlar var. Onlara təklif etdim ki, oteldə, hosteldə yerimiz var, gedin dincəlin. Onlar getmədilər. Dedilər ki, gəlmişiq xalqımıza dəstək olmağa. Sona qədər də qaldılar”.

Qeyd edək ki, Azərbaycanın qeyri-hökumət təşkilatlarının (QHT) nümayəndələri Şuşada Rusiya sülhməramlılarının postunun yaxınlığında azərbaycanlı mütəxəssislərin sülhməramlıların müvəqqəti nəzarətindəki ərazilərdə yerləşən yataqların qeyri-qanuni istismarı ilə bağlı monitorinq aparmaq üçün əraziyə buraxılmamalarına qarşı etiraz aksiyası keçirirlər.

Oğuz Ayvaz