Xəbər verdiyimiz kimi, İsrail səfiri Cork Dik Azərbaycanı, Türkiyəni və bəzi ərəb ölkələrini İsrail ilə birlikdə İrana qarşı birləşməyə çağırıb.
Azərbaycan xəbər agentliyi ilə müsahibəsində o, bildirib ki, Azərbaycan, Türkiyə və İsrail, eləcə də ərəb ölkələri İran İslam Respublikasının regionda terror aktlarına və təhlükələrinə qarşı birgə mübarizə aparmaq üşün bir blok altında birləşməlidirlər.
Onun sözlərinə görə, Bakı, Ankara və Təl-Əviv regional sülhün və sabitliyin təmin edilməsi istiqamətində daimi tərəfdaşlığa ehtiyacları var.
İsraildə ictimaiyyət tərəfindən tanınmış jurnalist Raşel Avraham Ednews-a açıqlamasında hesab edib ki, üç ölkə - Azərbaycan, Türkiyə və İsrail arasında tərəfdaşlığın zəruriliyi regionda siyasi vəziyyəti əks etdirən bilavasitə şəraitdən asılıdır.
“Biz çox yaxşı bilirik ki, İran hər zaman ölkələrimizi təhdid edib. İranda sosial mediada Azərbaycan dövlətçiliyi və onun rəhbərliyi son zamanlar daha çox hədəfə alınıb. Bu ölkədə islam rejimi Azərbaycan türklərinin, o cümlədən digər türk xalqlarının hüquqlarını və azadlıqlarını kobudcasına pozur, onların heç birinə insani rəftar etmir. İranda etnik millətlər öz ana dilində danışmaq və təhsil almaq hüququndan məhrumdurlar. Eyni zamanda İranın dövlət rəhbərliyi Ermənistanı özünə ən yaxın dost hesab edir, bununla belə bu ölkənin Azərbaycana qarşı təcavüzünü dəstəkləyib. İran hər zaman Azərbaycana, Türkiyəyə, İsrailə və digər regional ölkələrini təhdidlər edir və onların suverenliyinə təxribatlar törədir. Buna görə mən cənab Cork Diklə tamamilə razıyam ki, ölkələrimiz İranın iyrənc siyasətinin qarşısını almaq və öz geosiyasi maraqlarını qorumaq üçün üçtərəfli tərəfdaşlığın və əməkdaşlığın inkişaf etdirilməsi istiqamətində daha ciddi addımlar atmalıdırlar”.
İsrailli jurnalist, həmçinin qeyd edib ki, Körfəz regionun ölkələri İsraillə əməkdaşlığı inkişaf etdirməkdə maraqlıdırlar.
“Azərbaycan, Türkiyə və İsrail üçtərəfli tərəfdaşlığın zərurliyini anlayırlar. Bununla yanaşı, regionun ərəb ölkələri də bölgədə mövcud nizamın saxlanılması, təhlükəsizliyin və starteji maraqların qorunması, eləcə də İranın istənilən təhlükəli addımlarının dəf edilməsi istiqamətində bizimlə əməkdaşlığa ehtiyac duyurlar”.
Yunis Abdullayev