Azərbaycan Mərkəz Partiyası baş verən terrorla bağlı bəyanat yayıb
Azərbaycan Mərkəz Partiyası İranda Azərbaycan səfirliyinə olan terror hücumla ilə bağlı bəyanat yayıb.
Bəyanatda bildirilir:
“Bu gün Azərbaycanın Tehrandakı səfirliyinə silahlı hücumun şahidi olduq və çox təəssüf ki, bu terror hadisəsində Azərbaycanın bir vətəndaşi şəhid olub,və iki nəfər yaralanıb.
Azərbaycan Mərkəz Partiyası, Azərbaycan Türk millətin, dövlətinə və şəhidin ailəsinə başsağlığını bildirir.
Azərbaycan Respublikasının Tehrandakı səfirliyinə qarşı törədilən bu terror aktını qətiyyətlə pisləyirik. Şəhidimiz üçün Uca Allahdan rəhmət diləyirik.
Baş verən terror aktı ilə bağlı faktların üzə çıxarılmasını tələb edir və İran İslam Respublikası hökumətinin terror hadisəsinə görə cavab verməli olduğunu qeyd edirik”.
Ayan Rzayeva
