Mart ayında görüşən Almaniya kansleri Olaf Şoltz və Prezident İlham Əliyev alternativ və ənənəvi enerji sahəsində əməkdaşlıq müzakirə olunub.
İki ölkə arasında bu əməkdaşlıq gələcəkdə bu sektorda hansı prespektivləri vəd edə bilər?
Məsələ ilə bağlı Ednews-a danışan Bielefeld Universitinin Politologiya Kafedrasının müdiri Daniel Toro qeyd edib ki, bu gün Azərbaycan Almaniyanın Cənubi Qafqazda mühüm ticari tərəfdaşıdır. O, həmçinin əməkdaşlığın yeni istiqamətlər üzrə inkişafı üçün perspektivlərdən də bəhs edib.
“Bildirilib ki, uzunillik münaqişəyə son qoyulması bölgəyə investisiyaların axını üçün əsas zəruri şərtlərdən olan təhlükəsizliyi tam təmin edib. Xüsusilə, həm azad edilmiş Qarabağ, həm də ümumən ölkə ərazisində bərpa olunan enerji mənbələrindən geniş istifadə ölkə üçün milli prioritetlərdən biri kimi müəyyənləşib. Bütün bunlar, həmçinin “yaşıl enerji” ilə bağlı Azərbaycanın potensial və məqsədləri ilə Almaniya şirkətlərinin zəngin təcrübə, eləcə də mümkün investisiya imkanlarının vəhdəti enerji əməkdaşlığında yeni səhifə aça bilər”.
Daniel Toro əlavə olaraq bildirib ki, Azərbaycan böyük neft-qaz resurslarına malik və onları ixrac edən ölkə olsa da, əsas məqsədlərdən biri bərpa olunan enerji sahəsinin inkişafı və “yaşıl enerji”nin ixracatçısına çevrilməkdir:
“Hazırda həyata keçirilən iri həcmli günəş, külək enerji layihələrini, bərpa olunan enerjinin quruda 27 min meqavata yaxın, dənizdə isə 157 min meqavatlıq zəngin potensialını, həmçinin Avropaya elektrik enerjinin ixracının artırılmasını təmin edəcək iki yeni xəttin çəkilməsi ilə bağlı planları nəzərə aldıqda deyə bilərik ki, Azərbaycanın “yaşıl enerji” dəhlizinin mənbəyi olmaq perspektivi böyükdür. Bu, həm də Avropanın enerji təminatının “yaşıl enerji” vasitəsilə şaxələndirilməsinə Azərbaycanın növbəti töhfəsini təqdim edir.
Politoloq Tural İsmayılov isə qeyd edib ki, Almaniya-Azərbaycan arasında əməkdaşlığın yeni istiqamətləri artıq müyyən edilib. Bu münasibətlər həm iki ölkə arasında iqdisadi, siyasi sahədə, həm də alman investorlarının Azərbaycana cəlb olunması fonunda xüsusi əhəmiyyət kəsb edəcək.
“Almaniya Rusiya ilə “Şimal Axını” vasitəsilə bir çox sahələrdə əməkdaşlıq edirdi. Lakin bilindiyini kimi Ukrayna-Rusiya arasında olan müharibə Almaniyanı yeni və əsaslı əməkdaşlığa sövq edib. Hesab edirəm ki, iki ölkə arasında münasibətlərin inkişafı yalnız ənənəvi enerji sektorları sahəsində yox, bərpa olunan enerji sahəsində də baş tutacaq. Bu gün Azərbaycan Orta Asiyadan Avropaya qədər uzanan Orta dəhliz layihəsi həmçinin tarixi ipək yolu lahiyəsində vacib nöqtələrdən birini təşkil edir. Əməkdaşlığın ən böyük müsbət cəhətlərindən biri odurki həm yaşıl, həm də ənəvi enerji satışında alternativ bazarların yaranmasına səbəb olub. Almaniyanın Aİ-nın (Avropa İttifaqı) əsas aparıcı ölkəsi olması bir növ siyasi cəhətdən Aİ-Azərbaycan münasibətlərinədə müsbət təsir göstərir”.
Gülməmmədov Xəyal
