“Son maraqlı layihələr arasında Şimal-Cənub beynəlxalq nəqliyyat dəhlizi də var”.
Ednews xəbər verir ki, bunu Rusiya xarici işlər naziri Sergey Lavrov Ceyhun Bayramovla Moskvada keçirdiyi görüşdə deyib.
XİN rəhbəri qeyd edib ki, liderlərimiz bunu həm öz aralarında, həm də digər maraqlı tərəflərin iştirakı ilə müzakirə ediblər və onların sayı az deyil:
“Ona görə də ümid edirik ki, növbəti görüşdə bu və digər istiqamətlərdə gələcək işlər barədə razılaşmalar əldə olunacaq. Ticarətdə artım var, investisiyalar işləyir. Şirkətlərin də əlavə planları var. Ona görə də bu məsələlərlə bağlı fikir mübadiləsi aparaq”.