“Ermənistan Qarabağdakı müdaxilələrini dayandırmalıdır”.
Bu sözləri Ednews-a açıqlaması zamanı pakistanlı ekspert Asif Tanveer Awan bildirib. “Qisas-2” əməliyyatından söz açan ekspert həmçinin qeyd edib ki, Azərbaycan hər zaman sülhü dəstəkləyir. Lakin Qarabağda hələ də fəaliyyətdə olan erməni separatçı dəstələri öz təxribatçı əməllərinə davam edir.
“Sülh danışıqlarında hər zaman Azərbaycanın müsbət təşəbbüslərlə çıxış etdiyini görsək də, Ermənistan bunun əksini nümayiş etdirir. Sülh prosesini tezləşdirmək üçün Ermənistan da öz mövqeyini mütləq şəkildə nümayiş etdirməlidir. Amma biz nə görürük? Amerika Birləşmiş Ştatlarının vasitəçiliyi ilə keçirilən sülh danışıqlarına mütəmadi müdaxilələr edən Ermənistan sərhəddə müxtəlif təxribatlar törədirlər. Ermənistan buna son verməlidir. Əks halda bu yol ilə özünü uçuruma aparacaq”,- dey ekspert qeyd edib.
Xatırladaq ki, Azərbaycan Müdafiə Nazirliyi iyunun 27-si saat 20:05-də Rusiya sülhməramlılarının müvəqqəti yerləşdiyi Azərbaycan ərazisindəki qeyri-qanuni erməni silahlı dəstələri tərəfindən Ordumuzun Ağdam rayonunun Qalayçılar kəndi istiqamətində yerləşən mövqelərinin atıcı silahlardan atəşə tutulub. Atəş nəticəsində hərbi qulluqçumuz yaralanıb. Azərbaycan Ordusu yaralanmış əsgərinin qisasını almaq üçün elə həmin gecə cavab tədbirlərinə başlayıb. "Qisas-2" adı altında keçirilən bu əməliyyatda qanunsuz hərbi birləşmələrin 5 üzvü məhv edilib.
Nurlana Hacıyeva