Qırğızıstanın Dövlət Milli Təhlükəsizlik Komitəsi öz ixracatçılarını ABŞ-ın Rusiyaya qarşı sanksiyalarının pozulması ilə bağlı yoxlamaya başlayıb.
Ednews-un verdiyi məlumata görə, bu barədə yerli 24.kg portalı idarənin mətbuat xidmətinə istinadən yazır.
Onlar əmin ediblər ki, “nə Qırğızıstan dövləti, nə də hər hansı dövlət strukturları və şirkətləri” Rusiyaya sanksiya tətbiq edilən məhsulların tədarükü ilə məşğul deyil. Bununla belə, Qırğızıstan Respublikasının Milli Təhlükəsizlik Dövlət Komitəsi etiraf edib ki, bununla özəl firmalar məşğul ola bilər. Üstəlik, qanun pozuntusuna yol vermiş şirkətlər tədarük olunan məhsulların real son istifadəçiləri haqqında məlumatı olmadan, bilmədən bunu edə bilərdilər.
Buna baxmayaraq, Qırğızıstan hakimiyyəti sanksiyalardan yan keçmək üçün Rusiyanın növbəti yardımının qarşısını almağa çalışacaqlarına söz verib. “Qırğızıstan Respublikasının Dövlət Milli Təhlükəsizlik Komitəsi araşdırmaya başlayıb. Qırğızıstan Respublikası və onun dövlət strukturları beynəlxalq norma və qaydalara ciddi şəkildə riayət edir”, - mətbuat xidməti əmin edib.
Bundan əvvəl “The Washington Post” anonim amerikalı rəsmilərə istinadən yazıb ki, ABŞ Rusiyaya ikili təyinatlı malların tədarükünə görə Qırğızıstana qarşı “təzyiq tədbirləri” hazırlayır. Nəşrin məlumatına görə, Moskva Qırğızıstandakı vasitəçilər vasitəsilə Çin, Cənubi Koreya və Avropadan pilotsuz təyyarələr, təyyarə hissələri, optik nişangahlar və yarımkeçiricilər və gərginlik gücləndiriciləri kimi “həssas elektronika” alıb.
Bundan sonra Qırğızıstan Respublikasının İqtisadiyyat və Ticarət Nazirliyi məlumat verib ki, yerli gömrük ikili təyinatlı mallar üçün ixrac nəzarəti tədbirlərini gücləndirib. Onlar belə bir qərarın “ABŞ, Aİ və Böyük Britaniya nümayəndələrinin 2023-cü ilin mart-aprel aylarında Qırğızıstan Respublikasına səfərindən sonra” verildiyini təsdiqləyiblər.
Nurlana