Ermənilərin hiyləgər təxribatları yenidən davam etməkdədir. Bu dəfə düşmən Kəlbəcəri hədəf seçib. Ermənistan silahlı qüvvələrinin bölmələri Basarkeçər rayonunun Yuxarı Şorca və Dəvəli rayonunun Arazdəyən yaşayış məntəqələri istiqamətlərində yerləşən mövqelərindən Azərbaycan Ordusunun Kəlbəcər rayonunun  Mollabayramlı və Sədərək rayonunun Heydərabad yaşayış məntəqələri istiqamətlərində yerləşən mövqelərini müxtəlif çaplı atıcı silahlardan fasilələrlə atəşə tutub.

Təxribatların sayı artdıqca Azərbaycan ordusu antiterror əməliyyatına başlaya bilərmi?

Bu barədə Ednews-a politoloq Natiq Miri bildirdi ki, Ermənistanın təxribatları dünya dövlətilərini, eyni zamanda dünya təşkilatlarının diqqətini regiona yönəltmək və mümkün olarsa beynəlxalq təşkilatlarda, o cümlədən Birləşmiş Millətlər Təşkilatının Təhlükəsizlik Şurasında Azərbaycan əleyhinə bir bəyanat yaxud  da qətnamə qəbul etdirməkdən ibarətdir.

“Ermənistanın süni yolla gərginliyi artırmaq məqsədi odur ki, BMT ekspertlərindən ibarət bir missiyanın Qarabağa gəlişi ilə bağlı qərarın qəbul edilməsidir. Bu məsələ Azərbaycan üçün qəbul edilməzdir. Hərbi gərginliyin yaradılmasının daha bir məqsədi var. Hər zaman Ermənistan Azərbaycanın tutuduqları bütün strateji mövqelərdən çəkmək üçün qoşunların sərhəddən güzgü xarakterli çəkilməsi kimi bir tələbini həyata keçirmək istəyir. Bu bir erməni hiyləsidir. Hər bir halda yaradılan süni, hərbi gərginliyin hədəfi də budur. 

Mövcud vəziyyəti nəzərə alsaq antiterror əməliyyatına başlamaq doğru olmaz. Antiterror əməliyyatının keçirilməsi üçün əslində bütün hərbi hazırlıqlar görülüb. Sadəcə siyasi bir qərara ehtiyac var ki, əməliyyat başlasın. Əgər antiterror əməlliyyatı başlayarsa qısa müddət ərzində başa çatmasına ehtiyac var. Azərbaycan çox qısa müddətdə elə bir antiterror əməlliyyatları keçirməlidir ki, Qarabağda mövcud olan vəziyyəti: 3 gün müddətində, qanunsuz silahlı qüvvələr ağ bayraq qaldırmalı olmalıdırlar. Əks təqdirdə zaman keçdikcə Azərbaycanın əleyhinə işləyən proses ola bilər. Çünki ermənilər bundan istifadə edib, bütün beynəlxalq təşkilatları, qlobal gücləri Azərbaycanın əleyhinə qaldırmaq istəyəcəklər”.

Oğuz