Xəbər verdiyimiz kimi İran hökumətinin qərarı ilə, ölkənin İraq ilə sərhədinə əlavə hərbi qüvvələr göndərilir. Yayılan məlumatlara görə, İran həm Taliban, həm də İraqa qarşı hərbi əməliyyatlar keçirmək istəyir. 

Həqiqətənmi İran yenidən İraqla vəziyyətini gərginləşdirmək fikrindədir və buna səbəb nədir? Bu müharibə baş verərsə region ölkələrinə necə təsir göstərə bilər?

Məsələnin aktuallığını nəzərə alıb mövzunu Qahirə Universitetində İran məsələləri üzrə mütəxəsis professor Mervət Zəkəriyyə ilə müzakirə etdik. O, Ednews - a açıqlamasında bildirib ki, bu sadəcə İrandakı təhlükəsizliyinin nəzarəti gücləndirmək üçün həyəta keçirilir. 

“Bu addımların İranın İraqla və ya region ölkələri ilə əlaqələrinə təsir etməyəcək. Çünki Tehran  İraqla yaxşı iqtisadi əlaqələrə malikdir. Hətta Tehrana iqtisadi sanksiyalar olduğu vaxtda dollar qaçaqmalçılığı üçün İraqdan çox istifadə edib. İranın bəzi İraq siyasi qrupları ilə də yaxşı siyasi əlaqələri var. Məsələn Tehran digər ölkələrə təzyiq göstərmək üçün xüsusi olaraq “Şiə Koordinasiya Qüvvələri”ndən istifadə edirlər”. 

Siyasi analitik həmçinin qeyd edib ki, İraqda İranın dəstəklədiyi Hizbullah kimi bir çox silahlı qruplar var. Onun sözlərinə görə, Tehran onlardan istifadə edərək təkcə İraqda yox, həm də bütün ərəb ölkələrində baş verən hadisələrə təsir göstərməyə çalışır”. 

Söhbət zamanı Mervət Zəkəriyyə İranın İraqdan region ölkələri ilə münasibətlərini normallşdırmaq üçün istifadə etdiyini də vurğulayıb.  

“Bu da martın 10-da Səudiyyə Ərəbistanı Krallığı ilə İran arasında münasibətlərin yenidən bərpasındə oynadığı vasitəçilik rolunda özünü göstərib”. 

Professor hesab edir ki, yuxarıda qeyd olunanlara əsəslanaraq demək olar ki, bu addım  regionda heç bir müharibə və ya münaqişəyə səbəb olmayacaq. 

“İran sadəcə olaraq  Kürd müxalifət qruplarının tərksilah edilməsi üçün bu addımı atıb. İraq-İran müharibəsinin bir daha baş verməsi gözlənilmir. Bunun da İranın müharibəyə girə biləcək sonuncu ölkə olmasıdır.

İran əvvəlki İran-İraq müharibəsi zamanı verdiyi yüksək xərc və ağır itkiləri nəzərə alaraq, müharibə istəmir. Ona görə də bəzi silahlı qruplar vasitəsilə digər ölkələrdə müharibə aparır”.

Loğman Yunis