NATO-nun baş katibi Stoltenberq Azərbaycanın NATO üçün enerji təhlükəsizliyi baxımından olduqca önəmli bir ölkə olduğunu bildirib. Onun sözlərinə görə Azərbaycandan artan qaz ixracı NATO üzvlərini Rusiya asılılığından azad edib. 

Ukraynadan sonra Qafqaz ölkələrinin işğal təhlükəsində olduğunu bildirən baş katibin regionla bağlı hansı planları var?

Mövzu ilə bağlı Ednews-a danışan britaniyalı siyasi ekspert Patrik Uolş bildirib ki, Rusiya Qafqaza hücum etsə belə Azərbyacanla münasibətlərinə zərər vurmaz:

“Düşünürəm ki, Azərbaycan qazının Avropada Rusiyanı ıvız etməsi fikri o qədər də real deyil. Azərbaycan öz potensialı ilə Avropanın ümumi enerji təlabatının sadəcə 5%-ni ödəyə bilər. Fikrimcə, Rusiyanın Qafqazı işğal etməyə nə niyyəti, nə də kifayət qədər gücü var. Hazırda Ukrayna əks-hücumu uğursuzluğa düçar olduğu üçün Avropada xaos var.

Bundan başqa, Trampın hakimiyyətə gəlməsi düşüncəsi Avropanı xeyli narahat edir. Əgər Rusiya Qafqaza hücum etsə NATO regionu qorumaq iqtidarında deyil. ABŞ olmadan NATO orduları hələ özünü sübut etməyib. Bu hadisə baş versə belə Ermənistan və Gürcüstan kimi dövlətlər hücuma məruaz qala bilər. Rusiya çətin ki, Azərbaycana hücuym etsin. 

Ümumi perspektivdən baxdıqda isə aydın olur ki, problem Ukraynada qalacaq. ABŞ-da prezident seçkiləri olacaq deyə dəqiq proqnoz vermək çətindir. Lakin, Rusiyanın Ukraynadan sonra Cənubi Qafqaza hücum edəcəyini düşünmürəm. Artıq Ukraynadan sonra Moskva bu cür hərbi əməliyyat apara biləcək gücdə deyil”.

Fərid