Dünən Haaqada keçirilən Beynəlxalq Ədalət Məhkəməsində Ermənistan tərəfi Azərbaycana qarşı öz əsassız iddialarını səsləndirib.
Ednews xəbər verir ki, ilk növbədə Ermənistan nümayəndəliyindən çıxış edən Yeqişe Kirakosyan Azərbaycanın uzun illərdir bilərəkdən erməni əsilli əhalini regiondan uzaqlaşdırdığını iddia edib:
“Azərbaycan Ermənistanı istədiyi hər şeyə görə günhalandıra bilər. Aydınlıq üçün bildirək ki, Birinci Qarabağ müharibəsi dəhşətli bir tragediya idi. Bundan öncə də hər iki millət SSRİ dövründə böyük əziyyətlərə məruz qalıb.
Bütün bunlara baxmayaraq, Azərbaycan ermənilərə qarşı irqi ayrı-seçkiliyi artırdı və BMT-nin regiona daxil olmasına yol vermədi. Ermənistan Azərbaycanın ərazisini işğal etmək barədə bütün iddiaları təkzib edir.
1987-ci ildə sonra bir Qarabağda və Naxçıvanda bir çox erməni kəndləri sadəcə olaraq yox oldu. Bütün bunlar Azərbaycanın erməni etnik mənşəli insanları regiondan uzaqlaşdırmaq planının bir parçası idi. Azərbaycan tərəfindən on illərdir ki, davam edən irqçi və ədalətsiz siyasət ermənilərin Bakı və Sumqayıt kimi şəhərlərdən qovulması ilə nəticələnib. Etnik ermənilər öz evlərindən, doğma məskənlərindən uzaqlaşdırıldılar.
Eyni hadisələr İkinci Qarabağ müharibəsində də baş verdi. Erməni əsilli mülki əhali öldürüldü və ermənilərin tarixi izləri məhv edildi. Nəticə etibarilə ermənilər bu dəfə də Qarabağdan tamamilə qovuldular”.
Əsassız iddialarla çıxış etməsi azıymış kimi, Beynəlxalq Ədalət Məhkəməsinin konvensiyasına istinad edən, nümayəndə bariz sübutları tam görməzdən də gəlir. Dövlət Təhlükəsizliyi Xidməti tərəfindən saxlanılan bütün bu şəxslər, qurumun məlumatında bildirildiyi kimi, Qarabağ ərazisində qanunsuz silahlı birləşmələr yaradaraq, onların fəaliyyətini təşkil etmək, Azərbaycan Respublikasının dövlət sərhədini qanunsuz olaraq keçmə kimi maddələrlə ittiham olunublar. "Müharibədən kənarda" tutulma hadisəsinin qeydə alınmasını söyləyən vəkil, 44 günlük müharibədən sonra qondarma rejimin anti-terror tədbirlərinə kimi fəaliyyətini davam etdirdiyini unudub. Hansı ki, həmin tədbirlər Azərbaycan beynəlxalq hüquq və həmçinin Ermənistan Respublikası tərəfindən tanınan ərazisində keçirilib. Bu da o, deməkdir ki, Azərbaycan sərhədlərində qeydə alınan hər bir qanunsuzluq aidiyyatı qurum tərəfindən əla alınır. Əlavə olaraq bir məqamı da qeyd etmək yerinə düşər ki, təcridxanada saxlanılan - Arayik Arutyunyan, Ruben Vardanyan kimi cinayətkarlara saxlanıldıqları yerlərdə bütün imkanlar yaradılıb.
Fərid