Böyük Britaniyada keçirilən seçkilər nəticəsində Rişi Sunak məölub oldu, əvəzində isə yeni Baş nazir Keir Starmer höküməti ələ aldı. Leyborist partiyasının rəhbəri olan Starmerin siyasi arenada ön plana çıxması Londonun xarici siyasətinə necə təsir edəcək?

Mövzu ilə bağlı Ednews-a danışan Böyük Britaniyalı siyasi ekspert Patrik Uolş yeni Baş nazirin xarici siyasətdə əsasən eyni siyasi kursu saxlayacağını bildirib:

“Böyük Britaniyada yeni leyborist hökumətinin hakimiyyətə gəlməsi ilə xarici siyasətdə hər hansı dəyişiklik olma ehtimalı azdır. Partiyanın əvvəlki lideri Ceremi Korbin qəti şəkildə Fələstin tərəfdarı idi və müharibə əleyhinə idi. Onun varisi Keir Starmer sələfindən uzaqlaşıb və çox güman ki, mühafizəkarların İsrail və Kiyevyönlü mövqeyini qoruyub saxlayacaq. Böyük Britaniya bu günlərdə ABŞ-ın çox kiçik bir tərəfdaşıdır və siyasi arenada baş verən hadisələrə əsasən ABŞ təsir edir.”

Ekspert bildirib ki, dünyada baş verən siyasi hadisələrə əsasən ABŞ-da keçiriləcək prezident seçkiləri təsir edəcək:

“Ona görə də, ABŞ-da keçiriləcək noyabr prezident seçkiləri Qərbin xarici siyasətində əsl dönüş nöqtəsi olacaq. Cənubi Qafqazla bağlı siyasət isə güman ki, dəyişməz olaraq qalacaq. Bu münasibətlər sadəcə və sadəcə Rusiya ilə intensivləşərsə dəyişə bilər.”

Fərid