İsveçrənin Cenevrə  şəhərində 25-ci Dünya Təmiz Enerji Konfransı çərçivəsində Azərbaycanın vətəndaş cəmiyyəti  sahəsində tarixi bir uğura imza atılıb.

"Eurasia Diary" xəbər verir ki, aralarında Azərbaycanın beynəlxalq əməkdaşlıq sahəsində ən aktiv  qeyri-hökumət təşkilatlarından biri Beynəlxalq Avrasiya Mətbuat Fondunun da olduğu rəmzi olaraq  3 qitəni birləşdirən, 3 böyük təşkilat arasında əməkdaşlıq sənədi qəbul edilib. BAMF-ın sədri Umud Mirzəyevlə yanaşı  bu sənədi  Avropanı təmsil edən  Yeniləşən və Səmərəli Enerji üçün Beynəlxalq Davamı Enerji Təşkilatının rəhbəri  Dr. Gustav R. Grob  və Afrikanı təmsil edən Yeniləşən və Səmərəli Enerji üçün Ərəb Platformasının rəhbəri  Dr. Kamel Esseghairi imzalayıblar. 

Sənəddə qeyd olunur ki, Əsrlər boyu Qafqaz-Mərkəzi Asiya, Orta Şərq və Şimali Afrika regionlari böyük insan köçlərinin və nəticədə regionların bir- birilə qaynayıb qarışmasının şahidi olmuşdur və bu da Afrika ,Asiya və Avropa regionlarının kəsişməsinə və bir -birinə son dərəcədə qarşılıqlı təsir etməsinə səbəb olub. Bu baxımdan 2016-ci il nöbəti iyirmi il üçün gələcək insan transformasiyalarında dönüm nöqtəsi oldu. 2016-cı il həm də Dayanıqlı İnkişaf Hədəflərinin gündəm məsələlərinin tətbiq olunduğu  və sonraki  Paris İqlim sazişinə töhvə verildiyi il oldu. Yüksək dərəcədə transformasiya konteksini və regionları nəzəra alaraq  17 Dayanıqlı İnkişaf Hədəflərinə və o cümlədən temperatur artımını 1.5 ° C -yə kimi məhdudlaşdırmaq hədəfinə riayət edərək, 3 Qeyri-Hökumət Təşkilatı və  vətəndaş cəmiyyəti  fəalları Qafqaz-Mərkəzi Asiya,  Orta Şərq və Şimali Afrika ölkələrinin zəif və əlverişsiz icmalara töhvə vermək üçün səylərini və resurslarlarını birləşdirərək  aşağıdakılar ətrafında tərəfdaşlıq etmək üçün bir araya gəliblər.  Əsasən təmiz enerjinin bütün insan toplumları arasında mövcudluğu, davamlı və ədalətli paylanması, elektrik enerjisinin generasiyası, mobil telefon instant  kommunikasiya və başlanğıc investisiya vasitələri sayəsində davamlı və ədalətli yerli inkişafın təmin edilməsi, davamlı inkişaf və kapitalın, malın, insan resurslarının ədalətli, nizamlı, dinc qaydada hərəkəti əməkdaşlığın prioritetlərindəndir.

"Three  Legs" (Üçtərəfli partnyorluq) Afrika-Asiya-Avropa Tərəfdaşlığı davamlı və təmiz elektrik istehsalı və istifadəsini təbliğ edən və dəstəkləyən tərəfdaş təşkilatlarla, özəl sektordan, parlament və vətəndaş cəmiyyəti  nümayəndələrindən, hökumətdən, alimlər və akademiklərdən, QHT-lərdən və yerli hakimiyyət orqanları və bələdiyyələrlə əməkdaşlığı genişləndirməyə çalışacaq.

İmzalanma mərasimindən sonra BAMF sədri bəyan edib ki, bu günkü imzalanma tarixi əhəmiyyət daşıyır. İlk dəfədir ki, Azərbaycanı təmsil edən vətəndaş cəmiyyəti təmsilçisi belə bir qlobal hərəkata qoşulur. Bu faktın qürurverici olduğunu bildirən cənab U.Mirzəyev əmin olduğunu bildirib ki, bu istiqamətdə işlər daha aktiv formada davam etdiriləcək. İstisna olunmur ki, Beynəlxalq Avrasiya Mətbuat Fondu digər vacib beynəlxalq layihələrdə də Azərbaycanı təmsil edərək ölkəmiz üçün ciddi nailiyyətlər qazansın. İstənilən halda bu nailiyyət həm də bütövlükdə Azərbaycan vətəndaş cəmiyyətinin  böyük bir qələbəsidir. 

Qeyd edək ki,  üçtərəfli sazişə imza atan digər 2 təşkilat dünyanın sayılıb seçilən təşkilatlarıdır. "Yeniləşən və Səmərəli Enerji naminə Beynəlxalq Davamlı Enerji Təşkilatı" (İSEO) davamlı enerjinin dəstəyi  sayəsində dünyada sosial -iqtisadi inkişafı hədəfləyən qurumdur. Təşkilat 2003-cü ildə BMT-nin Davamlı İnkişaf Hədəfləri Proqramının Konteksti əsasında yaradılıb. Dünyada sağlamlığa, ətraf mühitə, iqlimə və sülhə  ziyanı olmayan bütün enerji növlərini, mənbələrini, sistemlərini özündə ehtiva edən İSEO-nun davamlı enerji platforması çərçivəsində BMT agentlikləri, qeyri hökumət təşkilatları və BMT üzvü olan ölkələr əməkdaşlıq çərçivəsində fəaliyyət göstərir. Təşkilatın dünyanın 5 qitəsində bölmələri fəaliyyət göstərir. Təşkilat BMT-nin sülhün dəstəklənməsi, beynəlxalq əməkdaşlığın güxləndirilməsi, beynəlxalq təhlükəsizlik naminə silahlanmanın qarşısının alınması prinsiplərin əsasında çalışır.  

Digər təşkilat  Yeniləşən və Səmərəli Enerji üçün Ərəb Platforması  (APPFREE) isə 2010-cu ildə yaradılmış beynəlxalq qurumdur. Təşkilat dünyanın müxtəlif ölkələrinin yeniliklərinin ərəb dünyasına transformasiyası, qabaqcıl texnologiyaların və idarəetmənin ərəb dünyasında tətbiqi, davamlı və yeniləşən enerjinin dayanıqlı inkişaf prioritetlərinə uyğun olaraq tətbiqinin öyrənilməsi məqsədi ilə fəaliyyət göstərir. Qurum 10 Afrika və 12 Asiya Ərəb ölkələri arasında elektrik enerjisi və sağlam alternativ enerji mənbələrinin sosial-iqtisadi inkişafa təsirlərini öyrənir.  

 Qeyd edək ki, üçtərəfli əməkdaşlığın və bu əməkdaşlığa aid birgə layihələrin əsas idarəetmə mərkəzi məhz Bakıda yerləşəcək.