Ermənistanın xarici işlər naziri Ararat Mirzoyan ermənilərin Qarabağı tərk etməsinə görə məsuliyyəti Ermənistan tərəfindən daha əvvəl işğal olunan Qarabağ bölgəsində yaradılmış separatçı rejimin o vaxtkı və hətta ondan əvvəlki hakimiyyət orqanlarının üzərinə qoyub.
"EDnyus" xəbər verir ki, bu barədə erməni mətbuatı yazıb.
Nazirin sözlərinə görə, 44 günlük müharibədən sonra Ermənistan hakimiyyəti ermənilərin Qarabağda yaşamağa davam etməsi üçün bütün mövcud real mexanizmlərdən istifadə edib:
“Bununla belə, rejimin “rəhbərliyi” Ermənistan hakimiyyətinin səylərini lazımi səviyyədə dəstəkləməyib və nəticədə vəziyyəti daha da gərginləşdirib.
İndi ermənilərin Qarabağa qayıtması məsələsi aydın və ətraflı şəkildə araşdırma tələb edir.
Geri qayıtmağın şərtləri nədir? Muxtariyyət? Yoxsa sadəcə Azərbaycan vətəndaşlığı?”.
Bu kontekstdə Mirzoyan açıq şəkildə bildirib ki, indiki şəraitdə geri dönüşü müzakirə etmək mənasızdır və bu məsələ ilə bağlı heç bir “yaxşı xəbərim” yoxdur.
