"Facebook TV" üçün geri sayım başladı.
Televizorlar və Apple TV kimi digər cihazlar üçün video əsaslı yeni bir tətbiq hazırladığı bildirilən "Facebook", istifadəçilərin daha çox video məzmunlardan istifadə etməsini istəyir.
Video reklamlar üçün yeni və heç olmadığı qədər iddialı bir platforma hazırlayan "Facebook", öz orginal məzmunlarının da istehsalına başlaya bilər.
Mobil TV
"Wall Street Journal"ı etibarlı mənbələrə əsasən bildirir ki, "Facebook", reklam gəlirlərinin yavaşlamadan artmağa davam etməsi üçün video əsaslı bir sosial şəbəkəyə çevrilir.
Bu isə o deməkdir ki, "Facebook"un bu günə qədər etdiyi video yenilikləri buz dağının sadəcə görünən tərəfidir.
2015-ci ildə video yeniliklərinə ağırlıq verməyə başlayan "Facebook" üçün video, keçdiyimiz il o qədər vacib hala gəldi ki, bəzi işçiləri platformanı "mobil TV” deyə adlandırmağa başladı.
İstifadəçilərə ilk mərhələdə istədikləri videonu izlətdirən və yeni videolar təqdim edən "Facebook", qısa bir müddət əvvəl canlı video xüsusiyyətini aktiv etdi. İndi isə sıra yüksək keyfiyyətli məzmunlara gəlib çatıb.
Mobildən video üstünlüklü sosial şəbəkəyə
Yüksək keyfiyyətli video məzmunları, TV bənzəri, 10 dəqiqədən uzun orginal məzmunları əhatə edir.
Bunlar ssenarili verilişlər, idman ya da əyləncə məzmunlarını əhatə edir.
Ötən ilin sonlarında "Facebook"un orginal məzmunlara maddi dəstək göstərəcəyi və ya satın alacağı barədə yayılan xəbərlər də bu inkişafı təsdiqləyir.
"Facebook"un yeni video planları ilə bağlı orginal məzmun prosesi, şirkətin Qlobal Strategiyalar Departamentinin rəhbəri Ricky Van Veen tərəfindən idarə edilir.
Van Veen, "Facebook"-a məşhur CollegeHumor saytından transfer olmuşdu.
Xəbərə görə "Facebook"un video əsaslı hala gəlmə prosedurunda, video, şirkətin bütün məhsul və servislərinə inteqrasiya edilir.
"Facebook", keçən həftə Instagram Stories-ə oxşar bir məhsul üzərində testlərə başlamışdı.
"Instagram" da daxil olmaqla şirkətin "Snapchat" klonlama cəhdləri video istifadəsini artırmağa istiqamətlənmiş bir metod axtarışıdır.
"Facebook"un 90 saniyə videoları xəbər lentində irəli çıxararaq, video reklamların da daha çox izlənməsinə şərait yaradacağı aydın görünür.
Video, bütün "Facebook" məhsullarına inteqrasiya edilir
Video reklamlar mövzusunda, yaxın zamanda video ortasında görünən reklamları təqdim edən "Facebook", bunları hələki canlı yayımlar üçün istifadə edir. Ancaq bu formatın bütün videolara tətbiq olunması gözlənilir.
TV yayımlarını xatırladan reklam formatı, bir videonun ən az 20 saniyə izlənməsi halında 15 saniyəlik video reklamlar göstərilməsinə şərait yaradır. "Facebook", "YouTube"dan fərqli olaraq videodan əvvəl göstərilən reklamlara qarşıdır.
"Facebook"un yeni video mərkəzli tətbiqi, orginal və premium video məzmunlarına ev sahibliyi edəcəyi bildirilir. "Facebook", bunun üçün prodüserlərlə görüşməyə davam edir.
Dünya üzrə reklam xərcləmələrinin statistikalarına baxsaq, rəqəmsalın bu il ilk dəfə TV reklam xərcləmələrini geridə qoyması gözlənilir. "Facebook"un yeni video tətbiqi, bu qalanı içdən fəth etmək üçün ilk və ən vacib addımdır.
