İlk “ağıllı” “Nokia” televizorunun xüsusiyyətləri açıqlanıb | Eurasia Diary - ednews.net

15 Dekabr,


İlk “ağıllı” “Nokia” televizorunun xüsusiyyətləri açıqlanıb

Elm və texnologiya A- A A+
Tezliklə ilk "ağıllı" "Nokia" televizoru təqdim ediləcək.
 
Eurasia Diary ictnews.az-a istinadən bildirir ki, artıq "Nokia" televizoru Hindistan Standartlar Bürosunda sertifikatlaşdırmadan keçib. İstehsalçının məlumatına görə, televizor "4K" təsvir ölçülü 55 düym diaqonallı ekranla təchiz ediləcək. Qurğunun təsvirində daha yaxşı kontrasta və daha dərin qara rəngə nail olmağa imkan verən "ağıllı" tündləşdirmə texnologiyasından istifadə edildiyi qeyd olunur. Digər istehsalçılar tərəfindən bu funksiya lokal tündləşdirmə adlanır. Bundan əlavə, yeni qurğuda "JBL" akustikasından istifadə nəzərdə tutulur.
 
Məlumata görə, "Android 9 Pie" əməliyyat sisteminin idarəetməsi ilə işləyəcək "Nokia" televizoru "Google Play" əlavələr mağazası ilə təchiz ediləcək. Modeldə "Android TV" və ya şirkətin şəxsi proqram təminatından istifadə ediləcəyi barədə məlumat verilmir.
 
İlkin məlumata görə, "Nokia" televizoru Hindistanda istehsal olunmaqla yaxın vaxtlarda bu ölkədə təqdim ediləcək. Yeni məhsulun digər regionlarda satışa çıxarılacağı barədə açıqlama verilmir.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...