“Android 11” sisteminin təqdimat tarixi məlum olub - VİDEO | Eurasia Diary - ednews.net

30 May, Şənbə


“Android 11” sisteminin təqdimat tarixi məlum olub - VİDEO

Elm və texnologiya A- A A+

“Google” şirkəti “Android 11” əməliyyat sisteminin təqdimat tarixini açıqlayıb.

Sistemin təqdimatı iyunun 3-də “The Beta Launch Show” tədbiri çərçivəsində Bakı vaxtı ilə saat 19:00-da onlayn rejimdə keçiriləcək. Translyasiya zamanı “Google” əməkdaşları tərəfindən əməliyyat sisteminin yeni versiyası barədə məlumat veriləcək.

Təqdimatdan sonra tərtibatçılar üçün şirkət ekspertləri tərəfindən yeni əməliyyat sistemi ilə bağlı sualların cavablandırılacağı xüsusi tədbir planlaşdırılır. Sualları əvvəlcədən “Twitter” vasitəsilə verərək məlumatda xüsusi “#AskAndroid” heşteqini göstərmək lazımdır.

Təqdimatla birlikdə “Android 11 Beta” sisteminin ilk buraxılışı gözlənilir. Sonuncu versiyanın buraxılışı bu ilin üçüncü rübünə planlaşdırılır.

Qeyd edək ki, “Google” bir neçə aydır “Android 11” əməliyyat sistemini sınaqdan keçirir. Sistemin tərtibatçılar üçün “I/O 2020” konfransında nümayişi nəzərdə tutulsa da, tədbir koronavirus pandemiyasına görə ləğv edilib.(azərbaycan24)

EDNews.net

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...