Ölkəmizi xarici ölkələrdə təmsil edən vətəndaşımızı tanıyaq… - FOTOLAR | Eurasia Diary - ednews.net

15 Avqust, Şənbə


Ölkəmizi xarici ölkələrdə təmsil edən vətəndaşımızı tanıyaq… - FOTOLAR

Elm və texnologiya A- A A+
Bu gün ölkəmizi beynəlxalq aləmdə təmsil edən kifayət qədər soydaşlarımız var. Bu həmvətənlərimizdən biri də Birləşmiş Ərəb Əmirliklərində yaşayan soydaşımız Dr. Sabrin Ali Azimdir.
 
Millitribuna.az xəbər verir ki, Dr. Sabrin Ali Azim 1988-ci ildə Bakı şəhərində anadan olub. O, 2010-cu ildə Azərbaycan Tibb Universitetinin Stomatologiya fakültəsini bitirib, həkim ixtisası üzrə təhsil alıb. Elə həmin ildə təhsilin ordinatura pilləsinə qəbul olub, 2012-ci ildə ordinatura təhsilini bitirib, ağız və üz çənə cərrahı ixtisasına yiyələnib. 2016-cı ildə isə elə Azərbaycan Tibb Universitetində ağız və üz çənə cərrahiyyəsi ixtisası üzrə tibb üzrə fəlsəfə doktorluğu dissertasiyasını müdafiə edib. Ağız və üz çənə cərrahiyyəsi üzrə mütəxəssis və tibb üzrə fəlsəfə doktorudur.
 
Hazırda Birləşmiş Ərəb Əmirlikləri «Ras al Khaimah medical health and sciences University»də ağız və üz çənə cərrahiyyəsi kafedrasının assistentidir. Assistant professordur.
 
Dr. Sabrin Ali Azim bu illər ərzində bir sıra işlərə imza atıb. O, «Ras al khaimah medical health and sciences Univeristy» və Azərbaycan Tibb Universiteti arasında müqavilə ( MOU) bağlanmasına nail olub ki, bunun nəticəsində artıq 35-dən çox tələbə üç dəfə Azərbaycan Tibb Universitetində onun rəhbərliyi altında təcrübə proqramı keçiblər və məhz Azərbaycanda oz mütəxəssislərimizlə BƏƏ tələbələri üçün üç dəfə implantologiya üzrə nəzəri və praktik (master class) kurslar təşkil edib. Eyni zamanda qeyd edək ki, səhiyyə və tədris proqramından əlavə bu tələbələr ölkəmizdə turist olaraq qalıblar, milli dəyər, mədəniyyət və tariximiz ilə tanış olublar.
 
Eyni zamanda Səhiyyə Nazirliyi ilə mütəmadi görüşlər keçirilib. Dr Sabrin Ali Azim Pakistan Universiteti Riphaa və Azərbaycan Tibb Universiteti arasında bağladığı müqavilə nəticəsində pasient hüquqları mövzusunda yüksək səviyyəli konfransın təşkilinə hazırlaşır və gələcəkdə başqa böyük layihələrin keçirilməsini də planlaşdırır.
 
Dr. Sabrin Ali Azim Azərbaycanı müxtəlif ölkələrdə təşkil olunmuş konfranslarda çıxışları və elmi məqalələri ilə layiqincə təmsil edir. O, pandemiya dövründə COVİD-19 virusu ilə mübarizə aksiyası keçirib. Cavan azərbaycanlı həkimlər və tələbələr üçün müxtəlif ölkələrdə tibbi fəaliyyət üçün lisenziyaların alınması və ya təhsillərini davam etdirə bilmələri üçün yollar göstərmək məqsədi ilə «Dr. Sabrin Ali Azim ile Sade diskussiya» adlı onlayn proqram yaradıb.
 
O, eyni zamanda azərbaycanlı gənc alim olaraq, İtaliyadakı rezidentlər üçün webinar keçirib. Dr Sabrin Ali Azimin məqsədi hər zaman Azərbaycanı yüksək səviyyədə təmsil etmək və tanıtmaqdır. Gördüyü bütün işlərin hər birində yaşadığı yeganə hiss ölkəmizə xidmət edə bilməyin verdiyi qürur hissi olub və ən böyük düşüncəsi “daha nə edə bilərəm”, “daha böyük nə edə bilərəm” olub.
 
O, Azərbaycan tarixi, elmi, mətbəxi və mədəniyyətinin, turizminin, təbliği, ziyalı soydaşlarımızın fəaliyyətinin işıqlandırılması və həmçinin qadın hüquqlarının qorunması kimi istiqamətlərdə faydalı olmağa çalışır.
1

1

1

Millitribuna.az

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...