Kanadada yaşayan azərbaycanlılar jurnalistlər üçün əvəzsiz köməkçi yaradıb | Eurasia Diary - ednews.net

22 Yanvar, Cümə


Kanadada yaşayan azərbaycanlılar jurnalistlər üçün əvəzsiz köməkçi yaradıb

Elm və texnologiya A- A A+
Kanadada yaşayan təşəbbüskar azərbaycanlı gənclərdən ibarət bir komanda informasiya ilə işləyən insanlar üçün əvəzolunmaz bir vasitə yaratmışlar.
 
Eurasia Diary xəbər verir ki, Kanadada yaşayan azərbaycanlılar, media nümayəndələrinin saxta  fotoşəkli gerçək fotodan ayıra bilmələrinə kömək edən "Arvel" tətbiqetməni yaradıblar. Müəlliflərin sözlərinə görə, məhz layihə Ermənistan Silahlı Qüvvələrinin Gəncədəki dinc sakinləri raket atəşinə məruz qoyduğu gün hazırlanmışdır. Onlar qeydə etmişlər ki, həmin faciəli gün sosial şəbəkələrdə Gəncə ilə əlaqəli olmayan bir çox fotoşəkillər görüntülənmişdi. Gənclərin dediyinə görə, məhz bu amil "Arvel" tətbiqetmənin yaradılması üçün bir təkan oldu. Qeyd edək ki, “Arvel” media fayllar yaratmaq üçün nəzərdə tutulmuşdur və istifadə qaydaları olduqca sadədir. Bu tətbiq vasitəsilə çəkilən şəkillərin yaranma tarixi və yeri haqqında məlumatlar var.
 
Arvel” vasitəsilə şəkil çəkib ünvan sahibinə göndərmək kifayətdir. Bundan əlavə, bu tətbiq azərbaycan, rus və ingilis dillərində çox sadə bir interfeysə malikdir. Fotoşəkli çəkdikdən sonra, “Arvel” sizə iki seçim təklif edəcək - "Fotonu kopyala" və "Linki kopyala". Siz seçim edərək onu ünvan sahibinə göndərməlisiniz. Alıcı da öz növbəsində, lazımi məlumatlar (fotoşəkilin çəkildiyi yer və vaxt) ilə fotoşəkli əldə edəcəkdir. Tətbiqetmənin digər bir üstünlüyü isə pulsuz olmasıdır və xüsusi bilik və bacarıqlar da tələb etmir. Ən əsası isə, bu proses uzun müddət çəkmir. Nəticədə biz yaranma tarixi və məkanı çox  dəqiqliklə göstərən etibarlı bir media fayl əldə edirik. Qeyd etmək istərdik ki, “Arvel” avtomatik olaraq hər bir fayla fərdi ID nömrəsi əlavə edir. İdentifikasiya nömrəsi sayəsində fotonun və ya videonun orijinal olub-olmamasını yoxlaya bilərsiniz. Bunun üçün rəsmi “Arvel”  veb saytına daxil olun və axtarışa media faylın ID nömrəsini daxil edin.
 
Bu gün əksər bloggerlər, jurnalistlər, telegram kanalları və sosial şəbəkələrdəki səhifə administratorları abunəçilərin göndərdikləri fotoşəkillərin sonradan saxta olduğu amili ilə  qarşılaşırlar. 
Özünüzü və məlumat mənbəyinizi saxtakarlıqdan qorumaq üçün abunəçilərinizə bir media məhsulu yaradarkən “Arvel” istifadə etmələrini tövsiyə etməlisiniz. Bu, zamana əhəmiyyətli dərəcədə qənaət edəcək və müasir bir media təmsilçisinin həyatını asanlaşdıracaq.
 
Arvel”in səni jurnalist etməyəcəyini, ancaq işində çox kömək edəcəyini unutmamaq da lazımdır.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...