"Eurasia Diary" BBC-yə istinadən xəbər verir ki, alimlər kanserogen maddəyə çevrilmədən kartofun qızardılma üsulunu tapıblar.
Alimlər qey edirlər ki, kartof, çipslər və tostlar sarı rəng olana qədər qızardılmış olmalıdır.
Britaniya Qida standartları Agentliyinin (FSA) mütəxəssisləri bildirirlər ki, qızardılmış kartof, çipslər və tostlar sarı rəngə çalana qədər bişirilməlidir, qəhvəyi yox. Bu xərçəngin yaranma riskini minimallaşdırır.
Bildirilir ki, bəzi qida məhsullarının hazırlanma prosesində akrilamidin miqdarı böyüyür -həmin maddələr, insan sağlamlığı üçün potensial təhlükədir.
Tərkibində nişasta olan qidalar 120 dərəcə Selsidən yuxarı temperaturda hazırlanmamalıdır.
Qidanın rəngi bişəndə nə qədər tündləşərsə bir o qədər onda akrilamid var deməkdir.
Nəşr qeyd edir ki, alimlər kartofun soyuducuda saxlanılmasından çəkinməyi məsləhət görürlər, çünki soyuqda şəkər miqdarının səviyyəsi artır.
Tədqiqatçılar yeməyin hazırlanması zamanı müəyyən etdikləri bir neçə sadə qaydalara riayət etməyə məsləhət görürlər:
- Tostları, qidaları, həmçinin tərkibində nişasta olan məhsulları sarı rəngə çatana qədər bişirmək lazımdır.
- Kartofu soyuducuda saxlamaq olmaz. 6 dərəcə Selsidən yuxarı temperaturla sərin və qaranlıq yerdə saxlamaq arzuolunandır.
- Çipsi, fri-kartof, pizzaların hazırlanması zamanı təlimatlara riayət etmək vacibdir.
- Sağlamlığın qeydinə qalmaq və balanslaşdırılmış pəhrizdən istifadə etmək lazımdır. Gün ərzində tərəvəzlərin və meyvələrin beş porsiyasını qəbul etmək xeyirlidir.
Vüsalə
.jpeg)
.jpeg)
