"Xocalıya ədalət" beynəlxalq təbliğat-təşviqat kampaniyası 2008-ci ilin mayında Heydər Əliyev Fondunun vitse-prezidenti, İslam Konfransı Təşkilatının (İKT) Gənclər Forumunun mədəniyyətlərarası dialoq üzrə baş əlaqələndiricisi Leyla xanım Əliyevanın təşəbbüsü ilə fəaliyyətə başlayıb.
Bu fəaliyyətə dəstək olaraq Bakı Dövlət Universitetinin bir qrup magistr və bakalavrı xarici tələbələrin iştirakı ilə “ Xocalıya ədalət” adı altında video-çarx hazırlayıblar. Layihənin ideya müəllifi BDU-nun Televiziya və Radio Jurnalistikası kafedrasının magistri Toğrul Quluzadə, montaj BDU-nun Televiziya və Radio Jurnalistikası kafedrasının magistrı Malik Talıblı, operatorlar jurnalistika fakültəsinin dördüncü kurs bakalavrları Cavid Abbasov, Azər Ağayev, Yusif Cəlildir.
Layihənin iştirakçıları, yəni Azərbaycanda təhsil alan xarici tələbələr onlara təqdim olunan materialı hər biri öz ana dilində səsləndirib.
9 iştirakçı - Türkiyə, Rusiya, Nigeriya, İran, Çin, Azərbaycan, Ukrayna, Türkmənistan, Pakistan vətəndaşlarıdır. Layihənin əsas məqsədi doqquz dildə Xocalı həqiqətlərinin səsləndirilməsi, “Xocalıya ədalət” dünyaya çatdırılmasıdır.