Azərbaycan I divizionunun oyunları ARB kanalı vasitəsi ilə yayımlanmayacaq.
ARB Media Qrupun Strateji inkişaf, Marketinq və Media Direktoru İsmayıl Həsənov bildirib ki, bu barədə mətbuatda yayılan məlumatlar əsassızdır.
“Ölkəmizdə 2 idman kanalı var və onlarda öz sahələri üzrə kifayət qədər uğurlu iş aparırlar. Yayılan məlumatlar tamami ilə yanlışdır. ARB Media Qrup olaraq I divizionunun oyunlarının yayımı ilə bağlı nə AFFA ilə, nədə ki, PFL-ilə heç bir danışıq aparmamışıq. İdman oyunlarının yayımı nə bizim yayım konsepsiyamıza uyğundur, nə ki, hazırki texniki imkanlarımıza. Yaxın gələcək üçündə bu kimi planlarımız yoxdur. ARB TV olaraq yeni mövsümdə də xəbər, veriliş, serial, film və s. bunu kimi teleməhsullar ilə tamaşaçılarımızın qarşısına gələcəyik”. (Oxu.Az)
