Əl-Cəzirə dünya ictimaiyyətinə jurnalistlərə qarşı törədilmiş cinayətlərin statistikasından bəhs edən video-çarx nümayiş etdirir.

Eurasia Diary xəbər verir ki, video çarxda 2006-2016-cı illərdə 930 müxbirin öldürüldüyü deyilir. Bu rəqəm ekspertlərin fikrincə daima artmaqdadır. “Əl-Cəzirə" media şəbəkəsi KİV işçilərinin təhlükəsizliyinin tam təmin edilməsinə çağırır.

Jurnalistika mahiyyətcə nəinki ictimaiyyətin, həm də potensial təhlükə daşıyıcıların diqqət mərkəzindədir.

Beləliklə, müxbirin həyatı və sağlamlığı üçün təkcə döyüş zonasındakı əməliyyatlar deyil, həmçinin obyektiv informasiyanın işıqlandırılmasına yönəlmiş istənilən iş təhlükə yarada bilər.

Qeyd edək ki, çarx 2 noyabrda qeyd olunan Beynəlxaq jurnalistlərə qarşı törədilmiş cinayətərin cəzasız qalmasına gününə və Əl-Cəzirənin 21 yaşının tamam olmasına həsr olunub.

Əl-Cəzirənin çağırışını dünyanın beynəlxalq səviyyəli 17 media qurumu, həmçinin videonun sonunda loqosu nümayiş etdiriln Beynəlxalq Avrasiya Mətbuat Fondu (BAMF) dəstəkləyib.

Xatırladaq ki, BAMF Əl-Cəzirə ilə sıx əməkdaşlıq edir. Əl-Cəzirənin yaradılmasının 21 illiyinə həsr olunmuş simpoziumda BAMF prezidenti Umud Mirzəyev “Mediada siyasi və humanitar böhran eləcə də, hərbi münaqişələr zamanı  onun üzləşdiyi problemlər” mövzusunda çıxış edib.

Jurnalistlərin təhlükəsizliyinin möhkəmləndirilməsi və onlara qarşı törədilən cinmayətlərin cəzasız qalmasına qarşı mübarizə BAMF və ƏL-Cəzirənin fəaliyyətinin vacib elementlərindəndir.

Bunun üçün onlar azad mətbuat və jurnalistlərin həm oflayn həm də onlayn rejimdə təhlükəsizliyinin artırılması sahəsində bir sıra tədbirlər görürlər. Xüsusilə də, təşkilatlar maarifləndirici xarakterli fəaliyyət göstərir, tərəfdaşlıq əlaqələrini genişləndirir, BMT-nin jurnalistlərin təhlükəsizliyinin təmin olunmasına dair Planının həyata keçirilməsini koordinasiya edirlər.