Millət vəkili Qənirə Paşayevanın Düzcə vilayətində Azərbaycan küçəsi və Qarabağ parkı təklifi dəstəklənib.
Konfrans keçirmək üçün Düzcə vilayətinə səfər edən millət vəkili bu bölgənin bələdiyyə başqanı Dursun Ay ilə görüşüb.
Azərbaycanla Türkiyənin bəzi şəhər və bələdiyyələrini qardaş olaraq görmək istədiyini qeyd edən millət vəkili görüşdə Dağlıq Qarabağ problemi, Xocalı soyqırımı, qondarma erməni soyqırımı iddiaları ilə bağlı fikir mübadiləsi aparıb.
O, yaxın zamanlarda Düzcə vilayətinin mərkəzi küçələrindən birinə Azərbaycan, mərkəzi parklardan birinə isə Qarabağ adının veriləcəyinə inandığını deyib. Deputat Düzcədə Azərbaycan küçəsi və Qarabağ parkının dosta, düşmənə önəmli bir mesaj olacağını bildirib.
Ölkəmizi çox sevdiyini deyən Düzcə bələdiyyə başqanı Dursun Ay Azərbaycanla bütün istiqamətlərdə əməkdaşlığın inkişafına xüsusi diqqət edəcəyini vurğulayıb. O, həmçinin, qardaş bələdiyyələr məsələsi ilə də bağlı addımlar atılacağını, Qənirə Paşayevanın qədim Düzcədə Azərbaycan küçəsi və Qarabağ parkı abidəsi təklifini isə müsbət qiymətləndirdiklərini bildirib.
.jpg)
