Beynəlxalq Avrasiya Mətbuat Fondu (BAMF) Xəzər Universitetində keçirilən Xəzər Universiteti Karyera Sərgisində iştirakçılar arasında olub. Müxtəlif fakültələrdən olan iddialı bakalavr və magistr tələbələrinin potensial məşğulluq sahələrinə uyğunlaşdırılmış sənaye tipli qurumlarda yer almaq şansı qazanıblar.
Beynəlxalq Avrasiya Mətbuat Fondunun nümayəndələri (BAMF) tələbələrlə BAMF-ın Bakı ofisində və BAMF-ın Tərtər ofisində gələcək karyera perspektivləri barədə bir sıra məlumat xarakterli danışıqlar keçiriblər. Onlar Fondun fəaliyyət istiqamətləri haqqında qısa məlumat veriblər və vakansiya axtaranların çoxsaylı suallarına cavab veriblər. Bundan əlavə, BAMF nümayəndələri BAMF-ın rəhbərliyi altında yaradılmış Avrasiya Təhsil Mərkəzi haqqında məlumatlar veriblər.
Xəzər Universitetinin tələbələri BAMF-ın təqdim etdiyi təcrübə proqramı, müraciət proseduru və perspektivləri ilə maraqlanıblar. BAMF-ın tələbələr üçün 3 aylıq təcrübə proqramı təklif etməsi əhəmiyyət kəsb edir. Bugünkü gündə Beynəlxalq Əlaqələr, Biznesin İdarə Edilməsi, Tərcümə, Təhsil və ya Jurnalistika kimi fakültələrdən olan tələbələr müraciət edərək peşəkar işçi heyətilə işləmək imkanı əldə edə bilərlər. Gündəlik öhdəliklərdən savayı, təcrübəçilər öz iş qabiliyyətlərini artırmaq məqsədilə dəvət olunmuş mütəxəssislərlə təlim və görüşlərdə iştirak edə bilərlər.
1992-ci ildə rəsmi qeydiyyatdan keçmiş Beynəlxalq Avrasiya Mətbuat Fondu (BAMF) post- sovet, Şərqi Avropa və Şərqi Asiya ərazisində beynəlxalq fəaliyyət göstərən qeyri-hökumət təşkilatıdır. BAMF 4 əsas istiqamətdə fəaliyyət göstərir: Media və Vətəndaş Cəmiyyətinin inkişafı; Qaçqın və Məcburi köçkünlərlə bağlı məsələlər; İcma inkişafı; və Sülhyaratma hərəkatı və Münaqişələrin həlli. BAMF Birləşmiş Millətlər Təşkilatı, ABŞ Dövlət Departamenti, Avropa Komissiyası, Dünya Bankı, Beynəlxalq Mətbuat İnstitutu (IPİ), Beynəlxalq Sülh Bürosu (IPB), Beynəlxalq Jurnalistlər Federasiyası, bir sıra xarici ölkələrin Azərbaycandakı səfirlikləri, nazirliklər, həmçinin yerli və beynəlxalq QHT-lərlə əməkdaşlıq edir. BAMF müxtəlif strukturlarla əməkdaşlıq çərçivəsində humanitar, sosial-iqtisadi, təhsil layihələrinin həyata keçirilməsinə çalışır.
Avrasiya Təhsil Mərkəzi ötən il Beynəlxalq Avrasiya Mətbuat Fondunun (BAMF) rəhbərliyi altında yaradılıb. Mərkəz Azərbaycanda ECL statusu almış ilk qurumdur. Bu status tələbəyə əvvəlcə hazırlıq kursu keçməyə, daha sonra imtahandan uğurla keçməklə beynəlxalq dil sertifikatı almaq imkanı verir. “Avrasiya” Təhsil mərkəzi bir sıra xarici dillərin öyrənilməsini təklif edir, tələbələrə xaricdə təhsil almağı təklif etməklə bütün dünyadan olan nüfuzlu beynəlxalq universitetlərlə, kollec və instiutlarla əməkdaşlıq edir.