Mayın 28-də, Ermənistan-Azərbaycan Sülh Platformasının üzvü, Beynəlxalq Davamlı Enerji Təşkilatının (BDET) qurucusu və icraçı katibi Qustav Qrob ömrünün 81-ci ilində qəfil vəfat etdi.
Qustav Qrob 1937-ci il 23 martda anadan olub. O, 2-ci Dünya İqlim Konfransından sonra yaxın zamanda davamlı və təmiz enerji iqtisadiyyatının vacib təlabatına cavab vermək üçün qurduğu Beynəlxalq Təmiz Enerji Konsorsiumunum (BTEK) prezidenti kimi fəaliyyət göstərib. 2002-ci ildə professor Qrob icraçı katibi və təşəbbüsçüsü kimi təmiz və bərpa olunan enerji ilə bağlı qlobal səyləri koordinasiya edən Beynəlxalq Davamlı Enerji Təşkilatını (BDET) qurdu. BDET bir çox BMT və qeyri-hökumət təşkilatlarının (QHT) işlərini özündə birləşdirir və qlobal enerji qanunvericiliyi və standartlaşdırma sahəsində hərəkətverici qüvvədir.
Qustav Qrob bərpa olunan enerji üzrə ekspert idi, həmçinin, Rio De Janeyroda (1992) iqlimə dair tarixi konfrans və BMT-nin Bonnda (2004) Bərpaolunan Enerji mənbələrinə dair Konfrans da daxil olmaqla bir sıra yüksək səviyyəli ekoloji konfranslarda əsas məruzəçi qismində çıxış etmişdi.
Qustav Qrob Azərbaycanda yerləşən qeyri-hökumət təşkilatı və BMT-nin İqtisadi və Sosial Şurasının ümumi məşvərətçi statusuna malik Beynəlxalq Avrasiya Mətbuat Fondunun (BAMF) yaxın tərəfdaşı və dostu idi.
2016-cı ildə Cenevrədə keçirilən 25-ci Dünya Təmiz Enerji Konfransında BAMF-ın prezidenti Umud Mirzəyev, BDET-in prezidenti Qustav Grob və Bərpaolunan Enerji və Səmərəli Enerji Ərəb platformasının prezidenti Kamel Essehayri “Üç Dayaq” elektrik enerjisi istehsalı və istifadəsinin davamlı və təmizliyini təmin edən və dəstəkləyən Afrika-Asiya-Avropa tərəfdaşlıq müqaviləsi imzaladılar.
Qustav Grob BAMF-ın təşəbbüsü ilə BMT-nin Cenevrədəki ofisində keçirilən bir sıra beynəlxalq tədbirlərdə fəal iştirak edib. Tədbirlərdə iştirak edərkən Qustav Qrob Ermənistan və Azərbaycan arasında Qarabağ bölgəsində sülh quruculuğunun əhəmiyyətindən danışıb. O, Azərbaycanın Qarabağ bölgəsini işğalçı qüvvələrdən azad və BMT-nin Davamlı İnkişaf Məqsədlərinə (DİM) uyğun olaraq dayanıqlı cəmiyyəti formalaşdırılmaq və sülhə dair ideyaları həyata keçirmək üçün Azərbaycan daxilində davamlı inkişafın multikultural zonası kimi bərpa etməyi təklif edirdi.
2017-ci ilin martında Qustav Qrob Ermənistan-Azərbaycan Sülh Platformasına qoşulmuş, Ermənistan-Azərbaycan Dağlıq Qarabağ münaqişəsinin sülh yolu ilə həllinin vacibliyini bildirmişdi. Eyni zamanda Ermənistan və Azərbaycan Respublikasının suverenliyini, ərazi bütövlüyünü və hər iki ölkənin beynəlxalq səviyyədə tanınmış sərhədlərini dəstəkləyirdi.
Professor Qrob enerji, davamlı inkişaf, standartlaşdırma və iş etikası ilə bağlı çoxsaylı yazıların müəllifidir. Qəfil ölümündən qabaq o, münaqişənin həllinə daha çox diqqəti cəlb etmək məqsədi ilə Birləşmiş Millətlər Təşkilatından olan həmkarları arasında Qarabağ Xilasetmə Planının təşviqi üzərində fəal şəkildə çalışırdı. Yaxın gələcəkdə bu məzmunda mühüm görüşlər keçirmək üçün Azərbaycana gəlməyi planlaşdırırdı. Beynəlxalq Avrasiya Mətbuat Fondu (BAMF) Qustav Qrobun ölümünə təəssüflənir. BAMF qrupu Qustav Qrob ailəsinə başsağlığı verir və onun işinin davam etdiriləcəyinə ümid edir. Ruhu şad olsun!
