Aİİ-də “BMT-nin Könüllülər Proqramı” təqdim olunub - FOTOLAR | Eurasia Diary - ednews.net

26 May,


Aİİ-də “BMT-nin Könüllülər Proqramı” təqdim olunub - FOTOLAR

Cəmiyyət A- A A+
Azərbaycan İlahiyyat İnstitutunda (Aİİ) 15 mart 2019-cu il tarixdə BMT-nin Azərbaycan üzrə könüllülər proqramının təmsilçisi Kiyoun Kimin “BMT-nin Könüllülər Proqramı” mövzusunda təqdimatı keçirilib.
Aİİ-nin Dillər və ictimai fənlər kafedrasının müdiri, dosent İlkin Əlimuradov tədbir iştirakçılarını salamlayaraq, dərin dini və dünyəvi biliklərə, güclü şəxsiyyətə, zəngin dünyagörüşünə malik mütəxəssislərin yetişdirilməsi məqsədi ilə İnstitutda ardıcıl seminarlar, görüşlər, “dəyirmi masa”lar təşkil olunduğunu vurğulayıb. 
Aİİ-də ötən dövr ərzində maarifləndirmə istiqamətində xeyli iş görüldüyünü qeyd edən İ.Əlimuradov gənclərin məqsədlərini müəyyən etmək, hədəflərinə çatmaq, özlərini daim inkişaf etdirmək üçün belə tədbirlərin keçirilməsinin zəruriliyini bildirib.
Təqdimatda BMT-nin Azərbaycan üzrə könüllülər proqramının təmsilçisi Kiyoun Kim “BMT-nin Könüllülər Proqramı” mövzusunda məruzə ilə çıxış edib. Kiyoun Kim könüllülük fəaliyyəti və onun məqsədləri haqqında ətraflı məlumat verib. O bildirib ki, hər il minlərlə könüllünü səfərbər etməklə yanaşı, “BMT-nin Könüllülər Proqramı” könüllülərin işini təşviq edir, könüllülüyü inkişaf proqramının tərkib hissəsinə çevirmək üçün tərəfdaşlarla çalışır, sülh və inkişafa öz töhfəsini verir.
Təqdimat mərasimində proqramın fundamental prinsipləri, könüllülük fəaliyyətinin sistemləşdirilməsi, könüllülük mədəniyyətinin formalaşdırılması, tələbə-könüllülərin dünyagörüşünün zənginləşdirilməsi və onların təhsildən ayrılmadan könüllü fəaliyyətə cəlb olunmaqla sosial aktivliyinin təmin edilməsi barədə ətraflı məlumat verilib.
Tədbir mövzu ətrafında müzakirələrlə davam edib, sözügedən məsələlərlə bağlı tələbələrin sualları cavablandırılıb.
Qeyd edək ki, “BMT-nin Könüllülər Proqramı”nın  məqsədi dünyada sülh və inkişafı dəstəkləmək üçün könüllülüyün təbliğidir. Bu çərçivədə proqram iştirakçıları müxtəlif könüllülük fəaliyyətində iştirak edir, onu qəbul edən təşkilat və cəmiyyətlə birlikdə inkişaf və sülhün yaranmasına öz töhfəsini verirlər.
 
1

1

1

1

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...