Eurasia Diary xəbər verir ki, ötən gün Moskva – Murmansk reysi üzrə uçan sərnişin təyyarəsinin göyərtəsində yanğın baş verib. Son məlumatlara görə təyyarə içərisində 72 nəfərdən yalnız 37-si sağ qalıb.
"Ria Novosti"də yer alan xəbərlərə görə qəzaya səbəb təyyarənin elektrik bazasında texniki problemin yaşanması olub.
Eurasia Diary bu hadisəni araşdıraraq qəzaya uğramış “Aeroflot”a məxsus Superjet-100 təyyarəsinin heç də uğurlu istehsal olmadığı aşkar edib. Beləki, bu ilk "Superjet-100" qəzası deyil.
Təyyarənin kefyiyyətcə beynəlxalq standartlara uyğun olmaması 2012-ci ilin may ayında keçirilən nümayiş uçuşunda bəlli olub. Belə ki, İndoneziyada həyata keçirilən nümayiş uçuşu zamanı təyyarə yoxa çıxıb. Aparılan tətqiqat nəticəsində təyarrənin Vallak dağlarına çırpıldığı və içərisindəki 44 nəfər sərnişinin həlak olduğu aşkarlanıb.
Qeyd edək ki, Azərbaycana bir neçə dəfə bu təyyarə təklif edilsə də, Azərbaycan bu təyyarənin sifarişindən imtin edib. Hazırda Azalın hava donanmasında bir dənə belə olsun Superjet-100 təyyarəsi mövcud deyil.
Bu təyyarə Rusiyanın hərbi təyyarələr istehsal edən "Sukhoi" və İtalyanın Finmeccanica şirkətləri tərəfindən birgə istehsal edilib. 2008-ci ildə 19 mayında "Superjet-100" ün ilk uçuşu həyata keçirilib.
Superjet-100 təyyarəsi istehsal edildikdən sonra bir çox ölkənin diqqətini çəkib və təyyarəyə maraq artıb. Bu marağa səbəb təyyarənin öz alternativlərinə nisbətən 25% ucuz olması idi. Lakin qısa bir zaman sonra baş verən qəzalar və təyyarələrdə müşahidə edilən texniki problemlər bir çox dövlətin bu təyyarənin sifarişindən imtina etməsilə nəticələnib.
Belə ki, istehsal olunduğu gündən bu yana Superjet-100 təyyarələrini İran, İsveç, İtaliya, Ermənistan, Macarıstan kimi dövlətlər öz hava donanmalarına daxil etmişdilər. Lakin təyyarənin keyfiyyət standartlarının aşağı olması və tez-tez qəzalara uğraması ard-arda bir çox ölkənin təyyarəni almaqdan imtina etməsinə səbəb olub. Qeyd edək ki, təyyarədən ən çox sifariş verən dövlətlərdən biri İran idi. 2017-ci ildə İran 100 ədəd "Superjet-100" sifariş verdiyini açıqlamışdı. Lakin son qəzadan sonra İranın da bu təyyarələrin alışından imtina edəcəyi gözlənilir. Həmçinin Meksika 30-a yaxın Superjet sifariş edib. Bu sifarişə uyğun olaraq 22 təyyarə artıq bu ilin əvvəlində Meksikaya çatdırılıb. Ancaq təyyarələrin əksəriyyətinin müharrikində problem aşkar edilib və hazırda bu təyyarələrin heç birindən istifadə edilmir. Bu səbəbdən Meksika mart ayında növbəti sifarişlərdən imtina edəcəyini açıqlayıb. BBC-nin verdiyi məlumata görə hazırda Superjet-100 təyyarələrinin 30 %-i aktiv uçuşlarda iştirak etmir.
Nicat İsmayılov