"Fuad haqqında yalan xəbərlər yayıb, camaatı sakitləşdirmək istəyirlər" - Fuad Abbasovun anası | Eurasia Diary - ednews.net

26 İyun, Çərşənbə


"Fuad haqqında yalan xəbərlər yayıb, camaatı sakitləşdirmək istəyirlər" - Fuad Abbasovun anası

Cəmiyyət A- A A+

«Fuad haqqında yalan xəbərlər yayıb, camaatı sakitləşdirmək istəyirlər».

Bunu hazırda Rusiyada həbsə olan Fuad Abbasovun anası Billur Abbasova News24.az- açıqlamasında deyib.

"Dünən bir çox saytlar Fuadın azad olunması ilə bağlı doğru olmayan məlumatlar verilib, onun köhnə videosunu yayıblar. Xeyrəddin Qoca da hansısa sayta istinad edib yazır ki, Fuadı çıxarıblar, evindədir. Qəsdən onun köhnə videosunu qoyublar, insanlar da bunu yoxlamadan paylaşırlar. İstəyirlər ki, camaat sakitləşsin, Fuadla bağlı heç kim səsini çıxarmasın" -Billur Abbasova bildirib.

Hazırda imzatoplama kampaniyasının davam etdirildiyini deyən B.Abbasova bildirib ki, Rusiya səfirliyi ilə əlaqə saxlanılıb: «Bu gün saat 14-də səfirliyin qarşısında yenə toplantı olacaq. Hələlik bizə hər hansı məlumat verilmir".

B.Abbasova bildirdi ki, hazırdaəsas tələb Fuadın azad olunmasıdır, Azərbaycana deportasiya olunması deyil: "Nəyə görə o deportasiya olunur. Heç bir hüquqi sənəd yoxdur axı... Həbsdən azad olandan sonra özü qərar verəcək ki, harda qalmaq istəyir. O ki qaldı, bu gün Fuadın deportasya olunması xəbərinə, bizim məlumatım yoxdur. Ayın 28-i üçün demişdilər».

Billur Abbasova hazırda Fuad Abbasovun səhhətinin normal olduğunu bildirdi.
 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...