Bakı şəhəri, Nizami rayonu, Qara Qarayev prospektində yerləşən "X-Lady" mağazasında baş vermiş yanğın Dövlət Yanğından Mühafizə Xidmətinin yanğından mühafizə bölmələri tərəfindən söndürülüb.
Eurasia Diary-nin Fövqəladə Hallar Nazirliyinin saytına istinadən verdiyi məlumata görə, əlavə məlumat veriləcək.
***
Bakı şəhərinin Nizami rayonu, Qara Qarayev prospektində yerləşən "X-Lady" mağazasında baş verən yanğın məhdudlaşdırılıb.
Fövqəladə Hallar Nazirliyindən verilən məlumata görə, hazırda yanğının tam söndürülməsi istiqamətində tədbirlər davam etdirilir.
Qeyd edək ki, hadisə yerinə Bakı şəhər İcra Hakimiyyətinin başçısı Eldar Əzizov və fövqəladə hallar nazirinin müavini Etibar Mirzəyev gəlib.
***
Bakı şəhərinin Nizami rayonu, Qara Qarayev prospektində yerləşən "X-Lady" mağazasında başlayan yanğının söndürülməsi istiqamətində işlər davam edir.
Eurasia Diary-nin APA-ya istinadla məlumatına görə, Fövqəladə Hallar Nazirliyi "X-Lady" mağazasında yanğınla bağlı operativ qərargah yaradıb.
***
Fövqəladə Hallar Nazirliyi "X-Lady" mağazasında yanğının başlaması barədə məlumat yayıb.
Eurasia Diary-nin nazirliyin saytına istinadən verdiyi məlumata görə, FHN-nin "112" qaynar telefon xəttinə, Bakı şəhərinin Nizami rayonu, Qara Qarayev prospektində yerləşən X-Lady mağazasında yanğın olması barədə məlumat daxil olub.
Dərhal nazirliyin Dövlət Yanğından Mühafizə Xidmətinin müvafiq qüvvələri hadisə yerinə cəlb olunub. Hazırda yanğınsöndürmə işləri davam etdirilir. Əlavə məlumat veriləcək.
***
Bakıda məşhur mağaza yanır.
Eurasia Diary-nin APA-ya istinadən məlumatına görə, Neftçilər metrosu yaxınlığındakı "X Lady" mağazası yanır.
Əraziyə Fövqəladə Hallar Nazirliyinin yanğınsöndürənləri və canlı qüvvələri cəlb edilib. Hazırda yanğının söndürülməsi istiqamətində tədbirlər davam edir.