Xəbər verdiyimiz kimi, ötən gün prezident İlham Əliyev Əmək və Əhalinin Sosial Müdafiəsi Nazirliyinin tabeliyində “Əmək Bazarı və Sosial Müdafiə Məsələləri üzrə Milli Observatoriya”nın yaradılması haqqında Fərman imzalayıb.
Fərmana əsasən Observatoriya iki ay ərzində yaradılmalıdır və iki mühüm sahəni əhatə edəcək.
ƏƏSMN-in məşğulluq və demoqrafiya şöbəsinin müdir müavini Rəna Abdullayeva REAL-ın birbaşa efirində yeni qurumla bağlı daha ətraflı məlumat verib, sualları cavablandırıb.
"Prezidentin fərmanı ilə yaradılan bu qurum həm əhalinin məşğulluğunun inkişafı baxımından, həm də sosial müdafiənini gücləndirilməsi baxımından çox böyük əhəmiyyət kəsb edir. Bildiyimiz kimki əmək bazarında tələb və təklif mövcuddur. Bu tələb və təklif arasında uyğunluğun təmin edilməsi üçün əsaslə məlumat bazasının formalaşdırılmasına bu gün böyük ehtiyac var. Bu milli Observatoriya bilavasitə əmək bazarının öyrənilməsi, əmək bazarında mövcud vəziyyətin qiymətləndirilməsi, 3, 5 hətta 10 il müddətində olan proqnozların formalaşdırılması və bunun əsasında səmərəli qərarların qəbul olunmasına xidmət edəcək qurumdur", - deyə Rəna Abdullayeva bildirib.
Rəna Abdullayeva qeyd edib ki, Əmək bazarı üçün mükəmməl, əsaslı, dayanıqlı monitorinq və proqnozlaşdırma sisteminin formalaşdırılması bilavasitə məşğulluq bazarında 2019-30-cu illəri əhatə edəcək strategiyada öz əksini tapıb: "Əmək bazarı birbaşa iqtisadiyyatla bağlıdır. Əmək bazarında çevikliyin təmin olunması, işçi qüvvəsinin keyfiyyətinin artırılması və artan, innovativ iqtisadiyyatının formalaşdırılması üçün, işçi qüvvəsinin bu tələbə uyğunlaşdırılması üçün təhlillər və araşdırmalar aparılmalıdır. Əmək bazarının təhlili həm kəmiyyət, həm də keyfiyyət aspektləıri əsasında formalaşdırılacaq. Kəmiyyət odur ki, əmək bazarında həm, qısa, həm də orta və uzun müddətli proqnozlar əsasında ən zəruri olan peşə və ixtisaslar müəyyən olunacaq. Hər bir peşə üzrə müəyyən bacarıqlar müəyyən olunur. Bu bacarıqlar əmək bazarında bu gün tez köhnəlir. Bu bacarıqların təzələnməsi və innovasiyaların tətbiqi ilə bağlı yeni peşələr meydana gəlir. Bu peşələr üzrə zəruri bacarıqların öyrənilməsi üçün bu aspektdən proqnozlar və araşdırmalar aparılacaq. Bu proqnozlar həm iqtisadi sahələr (tikinti, xidmət sahələri, emal və s) üzrə aparılacaq, digər tərəfdən rayonlar üzrə, hər bir rayon üzrə bu proqnozlar formalaşdırılacaq. Regionların inkişaf xüsusiyyətləri, əmək ehtiyatlarının yerləşdirilməsi baxımından nəzərə alınaraq proqnozlar formalaşdırılacaq".
"Bu gün əhalinin sosial müdafiəsinin qiymətləndirilməsi istiqamətində Azərbaycan hökuməti tərəfindən iki inqilabi paket qəbul olunub. Bu paketlərin reallaşdırılması nəticəsində əhalinin sosial müdafiəsi gücləndirilib. Gələcəkdə də belə qərarların qəbul olunması üçün, sosial proqramlarla əhalinin təmin olunması üçün böyük təhlillərin aparılması nəzərdə tutulub. Həm sosial proqramların tətbiqi, həm əhatə dairəsi, sosial cəhətdən həssas qrupların, evdar qadınların, əlilliyi olan şəxslərin hansı ki, işləyə bilər belə proqranlarla, belə şəxsləri əhatə etməklə, əmək bazarına cəlb etməklə belə proqramların əhatə dairəsi bu proqnozlar nəticəsində müəyyən olunacaq. Maliyyə mexanizmi formalaşdırılacaq. Maliyyə vəsaitlərinin belə proqnozlar əsasında bölüşdürülməsində bu qurumun fəaliyyəti böyük dəstək olacaq. Bu qurum Əmək və Əhalinin sosial müdafiəsi Nazirliyinin nəzdində olan bütün qurumlarla, dövlət əmək müfəttlişliyi ilə əlaqəli fəaliyyət göstərəcək", - deyə ƏƏSMN-in məşğulluq və demoqrafiya şöbəsinin müdir müavini Rəna Abdullayeva bildirib.