Jurnalistlərin "Şirməmməd Hüseynov mükafatı" təşəbbüsünə - DƏSTƏK | Eurasia Diary - ednews.net

23 Avqust, Cümə


Jurnalistlərin "Şirməmməd Hüseynov mükafatı" təşəbbüsünə - DƏSTƏK

Cəmiyyət A- A A+

“Parlament Jurnalistləri Birliyinin “Şirməmməd Hüseynov mükafatı” ilə bağlı təşəbbüsünü müsbət qiymətləndirirəm. Çünki hər halda Şirməmməd Hüseynovun dəyərini və xatirəsini uca tuturlarsa, bu jurnalistlərin özünün qədrşünaslığı kimi anlaşılmalıdır”.

Bunu Eurasia Diary-ə Milli Məclisin deputatı Fazil Mustafa bildirib.

“Ümid edirəm ki, bu mükafat konjekturaya uyğun verilməyəcək. Həqiqətən də, seçilmiş, səviyyəli və savadlı Azərbaycan üçün Şirməmməd Hüseynov qədər dəyərlər gətirən jurnalistlərə veriləcək”, - deyən deputat əlavə edib ki, bu mükafat ən səviyyəli və ən çox  məsuldar jurnalistlərə bu mükafat verilməlidir:

“Çünki Şirməmməd Hüseynov Azərbaycan jurnalistikasında müstəsna rolu olan şəxsiyyətlərdən biridir. Bunu sadəcə ictimai mükafat kimi düşünmək məncə az olar. Bu mükafata dövlət mükafatı statusu vermək daha yerində olar”. 

 

Bakı Dövlət Universitetinin (BDU) Jurnalistika fakültəsunun kafedra müdiri, professor Cahangir Məmmədli də PJB-nin təşəbbüsünü dəstəkləyib.

Eurasia Diary-ə danışan professor deyib ki, Şirməmməd Hüseynov özündən sonra elə bir məktəb qoyub gedib ki, o məktəb hələ 100 illərlə Azərbaycan jurnalistikasında bizim peşəkarların necə işləmələri olduqlarının dərsidir.

"Şirməmməd müəllim öz sağlığında yaratdı o məktəbi. Elə bir məktəb ki, o məktəbi bitirən adamlar, o məktəbdən yararlanan jurnalistlər heç vaxt saxtakarlıq eləməzlər, heç vaxt qeyri-dəqiq informasiya təqdim etməzlər, heç vaxt balanssız danışmazlar, heç vaxt dəqiq olmayan informasiyanı tamaşaçıya, oxucuya təqdim etməzlər. Şirməmməd müəllim belə bir məktəb yaratdı, belə bir məktəb qoydu getdi. Ona görə də onun adına təsis olunmuş mükafat çox ciddi adamlara və Şirməmməd müəllimə layiq adamlara təqdim olunmalıdır. Belə bir təşəbbüsnən çıxış edən jurnalistləri mən Şirməmməd müəllimin bir varisi, tələbəsi kimi ürəkdən alqışlayıram və onları bağrıma basıram", - deyə Cahangir Məmmədli bildirib.

Xatırladaq ki, Parlament Jurnalistləri Birliyinin son toplantısında təşkilat üzvləri “Şirməmməd Hüseynov mükafatı” təsis etməyi qərar veriblər.

Mükafatın Əsasnaməsi yaxın vaxtlarda ictimaiyyətə təqdim olunacaq.

 

Vəfa VƏLİYEVA

 

 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...