İşğalçı ölkənin Lori vilayətindəki Puşkino kəndində erməni məmurun evində yanmış meyiti tapılıb.
Eurasia Diary moderator.az-a istinadla xəbər verir ki, Ermənistan saytlarının yaydığı məlumata görə, 17 avqust gecə saatlarında vilayət administrasiyasında turizm üzrə aparıcı mütəxəssis işləyən 45 yaşlı Jirayr Basmacyanın kənddəki bağ evində yanğın olub. Xilasedicilər məmurun yanmış meyitini aşkarlayıblar. Öncə mərhumun yatdığı yerdə yandığı güman edilib. Lakin bir müddət sonra polisin araşdırması nəticəsində erməni vəzifə sahibinin öz bağbanı, 20 yaşlı Qarqar kənd sakini tərəfindən öldürüldüyü müəyyən edilib. Həbs edilən erməni gənc ev sahibi ilə birlikdə yeyib-içdikdən sonra aralarında yaranmış mübahisə zəminində ona 17 bıçaq zərbəsi vurduğunu və cinayətin izini itirmək məqsədilə evi yandırdığını
etiraf edib.
