"Rəşadın ölümü millətimiz üçün çox böyük itkidir" | Eurasia Diary - ednews.net

17 Sentyabr, Çərşənbə axşamı


"Rəşadın ölümü millətimiz üçün çox böyük itkidir"

Cəmiyyət A- A A+
"Savaş aparan dövlətdə ən böyük itki məhz zabit-komandir itkisidir. Rəşad Atakişiyevin faciəli ölümü bir daha bizə zabitlərimizə dəyər verməyi öyrətməlidir. Haradasa incidilmiş, sındırılmış, haqsızlığa məruz qalmış Azərbaycan zabiti görəndə hələ də savaşın taleyini həll edəcək qüdrətə sahib olan bu insanları qorumağı bacarmadığımızı düşünürəm".

Eurasia Diary xəbər verir ki, bunu deputat Fazil Mustafa Azərbaycan Hərbi Hava Qüvvələrinin pilotu, polkovnik-leytenant Rəşad Atakişiyevin faciəli ölümü ilə bağlı danışarkən deyib.

"Rəşadın ölümü millətimiz üçün çox böyük itkidir... Millətimizin başı sağ olsun! Professor Qabil Hüseynliyə və bütün ailə üzvlərinə dərin hüznlə başsağlığı verirəm. Allah səbrinizi azaltmasın!", - deyə deputat bildirib.

Xatırladaq ki, iyulun 24-də gecə saatlarında təlim uçuşu zamanı Rəşad Atakişiyevin idarə etdiyi MİQ-29 qırıcı təyyarəsi naməlum səbəbdən Xəzərə düşüb və pilotun cəsədi 26 gün sonra dənizdən çıxarılıb. Sabah pilotumuzun dəfn mərasimi keçiriləcək.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...