Nepal Mətbuat Şurasının sədri Kişor Şresta, həyat yoldaşı Sarasvati Şresta və idarə heyətinin üzvü Qovinda Qaulaqain ilə birlikdə Azərbaycanda səfərdə olub və Beynəlxalq Avrasiya Mətbuat Fondunun (BAMF) prezidenti Umud Mirzəyev ilə görüşüb. Görüş BAMF-in ofisində keçirilib.
Görüş zamanı onlar beynəlxalq və yerli medianın problemləri barədə danışıblar. Eurasia Diary xəbər verir ki, Umud Mirzəyev dünya xəbər mediasında yayılan dezinformasiyanı qınayıb.
BAMF prezidenti qonaqlara Ermənistanla Azərbaycan arasında olan Dağlıq Qarabağ münaqişəsi barədə məlumat verib. O, dinc əhalinin müharibədən və cəbhə bölgəsindəki yaşayışdan necə əziyyət çəkdiyini də vurğulayıb. Umud Mirzəyev məcburi köçkünlərin ailələri və cəbhə bölgəsində yaşayan insanlar üçün BAMF-ın həyata keçirdiyi humanitar layihələrdən danışıb.
Qonaqlara, həmçinin BAMF tərəfindən hazırlanmış, ofisin divarlarında qurulmuş stendlər barədə məlumat verilib. Nepallı qonaqlar eşitdiklərindən və stendlərdə gördüklərindən təsirləniblər. Stendlərdə Azərbaycan torpaqlarında erməni vandalizmi nəticəsində kəndlərin və mədəni irsin dağıdılması geniş şəkildə nümayiş edilib.
Şimali Kipr Türk Respublikası Mətbuat Şurasının üzvü Gökhan Gülər və Trakya Universitetinin professoru Ersan Sarikahya da Şəhidlər Xiyabanına ziyarətə qatılıb. Xarici qonaqlar 20 Yanvar gecəsi baş verənlərlə tanış olublar. Onlar Sovet qoşunlarının mülki şəxsləri və hətta yeniyetmələri necə vəhşicəsinə öldürdüklərinə heyrət ediblər.
Xarici qonaqlar belə gözəl və məlumatverici görüşün təşkilinə görə BAMF-a təşəkkürlərini bildiriblər.
Ülvi ƏHMƏDLİ
Tərcümə etdi: Gülnar Səlimova
