Birincilər polisin qonağı oldu | Eurasia Diary - ednews.net

15 Oktyabr, Çərşənbə axşamı


Birincilər polisin qonağı oldu

Cəmiyyət A- A A+
Xaçmaz Rayon Polis Şöbəsində övladları birinci sinifə gedəcək polis əməkdaşlarının övladları ilə görüş keçirilib.
 
DİN Mətbuat Xidmətinin Quba regional qrupundan verilən məlumata görə, görüşün əvvəlində şöbənin balaca qonaqları valideynlərinin iş otaqları ilə tanış olublar. Fidanları inzibati binanın önündə qarşılayan polis şöbəsinin rəisi, polis polkovnik leytenantı Həmid Həsənov onlara valideynlərinin apardığı şərəfli və qürurlu polis peşəsindən danışaraq, balacaları maraqlandıran sualları cavablandırıb.
 
Konfrans zalı, dərs otağı və xidməti otaqlarla tanış olduqdan sonra balaca fidanlarla söhbət onlar üçün hazırlanmış çay süfrəsi arxasında davam edib.
 
Tədbirin sonunda yeni dərs ilinin başlanması münasibəti ilə birincilərə RPŞ-nin rəhbərliyi tərəfindən hədiyyələr təqdim olunub, onlara dərslərində uğurlar arzulanıb.
Birincilərlə görüş inzibati binada xatirə şəkilləri çəkdirdikdən sonra yekunlaşıb.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...