"Yeganə yol məktəbli formasında olan şagirdlərin ictimai nəqliyyatda ödənişsiz daşınmasıdır" - Musa Qasımlı | Eurasia Diary - ednews.net

17 Oktyabr, Cümə axşamı


"Yeganə yol məktəbli formasında olan şagirdlərin ictimai nəqliyyatda ödənişsiz daşınmasıdır" - Musa Qasımlı

Cəmiyyət A- A A+

“Məktəblilərin evdən təhsil aldıqları məktəblərə aparılması və geriyə daşınması ilə bağlı dünyanın qabaqcıl ölkələrində qaydaya salınmış bir sistem fəaliyyət göstərir. Bu məktəblilər üçün ayrılan xüsusi avtobuslardır. Təbiidir ki, mənim fikrimcə, hər bir məktəbin özünün fərdi avtobuslarının olması daha yaxşı olardı".

Eurasia Diary xbər verir ki, bunu Milli Məclisin Elm və Təhsil Komitəsinin üzvü, deputat Musa Qasımlı "aznews.az"a açıqlamasında bildirib.

Millət vəkili fərdi avtobusların üstünlüyündən söz açıb.

"Valideynlər bu zaman övladlarını məktəbə aparmaq qayğısından azad olar, yollarda yaranan tıxacın isə qarşısı alınar".

Musa Qasımlı bu məsələni həll etməyin hələlik mümkün olmadığını açıqlayıb.

"Çünki məktəblərimizin buna maliyyə imkanı yoxdur. Çətinlik elə budur. Nə vaxta qədər ki, məktəblərimizdə şagirdləri daşıyan ayrıca avtobuslar olmayacaq, o zaman da şagirdlərin nəqliyyat məsələsi, məktəblərin ətrafında tıxac problemi daim qalacaq. Yeganə yol məktəbli formasında olan şagirdlərin ictimai nəqliyyat vasitələrində ödənişsiz daşınmasıdır. Bu məsələni isə həll etmək olar. Bundan ötrü hesab edirəm ki, həm Bakı Nəqliyyat Agentliyi və ya özəl şirkətlərlə bizim müvafiq orqanlarımız müəyyən razılaşmaya gələ bilərlər. Bu problemin həlli yenə də valideynləri bir çox qayğılardan azad edə bilər", - deyə deputat bildirib.

 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...