Dəmir yolu işçilərinin peşə bayramına həsr olunan tədbir keçirilib - FOTOLAR | Eurasia Diary - ednews.net

15 Oktyabr, Çərşənbə axşamı


Dəmir yolu işçilərinin peşə bayramına həsr olunan tədbir keçirilib - FOTOLAR

Cəmiyyət A- A A+

“Azərbaycan Dəmir Yolları” Qapalı Səhmdar Cəmiyyətində 13 oktyabr - dəmir yolu işçilərinin peşə bayramı gününə həsr olunan tədbir keçirilib.

Eurasia Diary xəbər verir ki, dəmiryolçular öncə Fəxri Xiyabanda Heydər Əliyevin, görkəmli oftalmoloq-alim Zərifə Əliyevanın məzarlarını və Şəhidlər Xiyabanını ziyarət ediblər. Tədbir "Azərbaycan Dəmir Yolları" QSC-də davam etdirilib. "Azərbaycan Dəmir Yolları" QSC-nin sədri Cavid Qurbanov çıxışında bildirib ki, Azərbaycanda dəmir yolunun təməli 1878-ci ildə qoyulub və inşası 20 yanvar 1880-ci ildə başa çatıb: "Uzunluğu cəmi 20 km olan Bakı-Suraxanı-Sabunçu dəmir yolu yük daşınmasına olan tələbatın artması səbəbindən inkişaf edərək təkmilləşib". Sədr qeyd edib ki, Prezident İlham Əliyev 2005-ci il oktyabrın 7-də "Dəmir yolu işçilərinin peşə bayramının təsis edilməsi haqqında" sərəncam imzalayıb.

Sonda bu ilin avqust-sentyabr aylarında Nabrandakı “Lokomotiv” İstirahət Mərkəzində keçirilən dəmiryolçuların idman spartakiadasının qaliblərinə kuboklar, pul mükafatları və diplomlar, bir qrup dəmiryolçuya “Fəxri dəmiryolçu” döş nişanı və bayram hədiyyələri təqdim olunub.

1

1

1

1

1

1

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...