Oktyabr ayının 30-u Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının və Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin birgə təşkilatçılığı ilə SƏLİS - Sürətli Əlaqələndirmə və Layihələri İdarəetmə Sisteminin təqdimat mərasimi keçirilib.
Bu barədə Eurasia Diary xəbər verir.
Tədbirdə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının sədri, Milli Məclisin deputatı Azay Quliyev və Birləşmiş Millətlər Təşkilatının Azərbaycan Respublikasındakı Rezident Əlaqələndiricisi və BMT-nin İnkişaf Proqramının (BMTİP) Rezident Nümayəndəsi Qulam İshaqzai iştirak edib.
Cənab Qulam İshaqzai bildirdi ki, Azərbaycanın bu sahədə BMT-nin texniki dəstəyimizə ehtiyacı var.
“Əlbəttə ki, bütün bu xidmətlərin göstərilməsinin məqsədi Vətəndaş Cəmiyyətini gücləndirməkdən ibarətdir ki, onlar öz təkliflərini daha yaxşı qaydada təqdim edə bilsinlər, əhalini maraqlandıran müxtəlif məsələləri həmin təklifləri ilə əhatə edə bilsinlər” – deyə BMT-nin Rezident Əlaqələndiricisi deyib.
“Bütün bu işlərin görülməsi məqsədi ilə bu texnoloji imkanlardan istifadə olunur bütün bu yeniliklər, innovasiylar, təşəbbüslər irəli sürülür. Yenə də BMT olaraq bütün bu işlərin görülməsində bizim tərəfimizdən hər hansı bir köməyə ehtiyac olarsa, biz köməklik göstərməyə hazırıq”, Qulam İshaqzai bildirib.
Çıxışını bitirərkən, BMT-nin İnkişaf Proqramının (BMTİP) Rezident Nümayəndəsi Qulam İshaqzai öz təbrikini çatdırıb.
O, bir il sonra ASAN xidmətin aldığı kimi SƏLİS-in də BMT-nin ictimai xidmətlər üzrə mükafatını alacağına inandığını söyləyib.
SƏLİS Azərbaycanda yeni ideyalara təkan verən Qeyri-Hökümət Təşkilatlarının layihələrini dəstəkləyən elektronik vətəndaş proqramıdır.
SƏLİS-i yaratmaqda əsas məqsəd qeyri-hökumət təşkilatlarına dövlət dəstəyinin müasir dövrün tələblərinə uyğun şəkildə təşkil etmək, QHT- Dövlət münasibətlərində yeni əməkdaşlıq modelini formalaşdırmaq, Şuranın fəaliyyətində şəffaflığı, hesabatlığı və səmərəliliyi daha da artırmaq, mümkün neqativ halları və subyektiv amilləri sıfıra endirmək, ictimai nəzarəti və qərar qəbulu prosesində vətəndaş iştirakçılığını təmin etməkdən ibarətdir.
Vəfa VƏLİYEVA
