Ehtiyatda olan polkovnikə ömürlük həbs cəzası verildi | Eurasia Diary - ednews.net

14 Dekabr, Şənbə


Ehtiyatda olan polkovnikə ömürlük həbs cəzası verildi

Cəmiyyət A- A A+
Türkiyədə azərbaycanlı iş adamı Etimad İsmayılovu öldürdüyü iddia edilən Azərbaycanın keçmiş polis rəisi Gözəl Dəmirov barəsində ittiham aktı elan edilib.
 
Eurasia Diary-nin Haberglobal-a istinadən verdiyi məlumata görə, prokuror ittiham aktında şübhəlinin zərərçəkmişin kabinetinə tez-tez getdiyini və ofisdəki şahid ifadələri ilə ittiham olunan şəxsi və zərərçəkmişi tanıyan şəxslərin ifadələri dəyərləndiridiyini, müdafiənin həyatın normal axışına uyğun olmadığı bildirib.
 
Bu səbəblə müttəhimin əsassız iddiaları qəbul edilməyib. Prokuror Dəmirovun sürücüsü Barış Aslanın, hadisədən əvvəl və sonra Dəmirova kömək etdiyini və cinayət zamanı saxlanıldığında üzərində silahın olmasına dair sübutlar gətirərək Aslanın da cinayətdə iştirak etdiyi qərarına gəlib.
 
İttiham aktında prokuror təqsirləndirilən Dəmirovun "planlı şəkildə qətlə yetirmə" ittihamı ilə ağırlaşdırılmış ömürlük həbs cəzası tələb etməklə, "sənədsiz silah saxladığına görə" bir ildən üç ilədək həbs cəzası istəyib.
 
İttiham aktında digər təqsirləndirilən Barış Aslanın cinayətdə əli olduğu üçün 15 ildən 20 ilə qədər azadlıqdan məhrum edilməsi və "sənədsiz silah saxladığına görə 1 ildən 3 ilə qədər həbs cəzası istənilib.
 
Qeyd edək ki, 2018-ci il senyabrın 20-də İstanbulda ofislərin birində azərbaycanlı iş adamı Etimad İsmayılov odlu silahla qətlə yetirilmişdi. Qətli törədən şəxs iş adamı və mərhumun şəriki, istefada olan polkovnik Gözəl Dəmirov olub. Cinayətin baş vermə səbəbi kimi onlar arasında borca görə qarşıdurmanın yaranması göstərilmişdi.  

 

Image result for Gözəl Dəmirov

Məlumat üçün bildirək ki, Gözəl Dəmirov 90-cı illərin əvvəllərində DİN-də idarə rəisi olub, Bakı Soyuducular Zavodunun direktorunun qardaşıdır, istefada olan polkovnikdir.  

Qeyd edək ki, mərhum Etimad İsmayılov Azərbaycan SSR Baş prokuroru və Azərbaycan Respublikasının ilk ədliyyə naziri, eks-millət vəkili, Ədalət Partiyasının sədri İlyas İsmayılovun oğlu və tanınmış jurnalist Sevil Nuriyevanın həyat yoldaşı olub.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...