Xəbər verdiyimiz kimi, Millət vəkili Yevda Abramov ötən gecə müalicə aldığı Mərkəzi Klinik Xəstəxanada, 71 yaşında vəfat edib.
Yevda Abramov xalqın yaddaşında xoş xatirələrlə qalır. Elə bunun nəticəsidir ki, vəfatını eşidən hər kəs kədərlənir və ruhuna rəhmət oxuyur.
2017-ci ildə Günay Firudinqızının təqdimatıyla Atv kanalında yayımlanan "Geriyə Baxanda" verilişinə dəvət olunan Millət vəkili, veriliş zamanı xalqın problemlərindən, uşaqlığından, gəncliyindən, danışarkən vətənini də unutmayıb.
Uzaqgörən siyasətçi, vətənə olan sevgisini son nəfəsindəki arzusuyla dilə gətirərək bildirmişdi ki:
"Mən hər zaman can vətənim demişəm. Yeganə dövlətdir ki, adının sonuncu şəkilçisi "can"la bitir.
"Can Azərbaycan!". Ömrümü də tapşıranda əzrailə deyəcəm mənə imkan ver, can Azərbaycan deyim və ömrümü tapşırım...".