BAMF Pre-ECL seminarını Pedaqoji Universitetdə keçirir | Eurasia Diary - ednews.net

18 Yanvar, Şənbə


BAMF Pre-ECL seminarını Pedaqoji Universitetdə keçirir

Cəmiyyət A- A A+

Avrasiya Təhsil Mərkəzinin təsisçisi olan Beynəlxalq Avrasiya Mətbuat Fondu (BAMF) Macarıstanın Peç Universiteti ilə birlikdə İngilis dilinin mənimsənilməsinə dair müasir və praktik yanaşma mövzusunda 3 günlük (14-16 yanvar) Pre-ECL seminarını təşkil edir. Eurasia Diary-nin verdiyi məlumata görə, seminar Azərbaycan Dövlət Pedaqoji Universitetində Azərbaycandan olan müəllim və tələbələrin, eləcə də Gürcüstan Beynəlxalq Təhsil Akademiyasının tərəfdaşlarının iştirakı ilə keçirilir.

Yanvarın 15-də BAMF-ın prezidenti Umud Mirzəyev, Avrasiya Təhsil Mərkəzinin icraçı direktoru Esmira Qasımbəyova və Peç Universitetinin ECL təlimçiləri Piter Sabat və Robert Marş, Pedaqoji Universitetin rektoru Cəfər Cəfərov və tədris işləri üzrə prorektoru Eldar Aslanov ilə rəsmi görüş keçirdi.

Universitet rektoru mövcud fakültələr və beynəlxalq proqramlar, eləcə də davam etməkdə olan yeniliklər barədə danışdı. Görüş zamanı ECL beynəlxalq imtahan sisteminin Azərbaycanda inkişafı ilə bağlı gələcək əməkdaşlıq perspektivləri müzakirə edildi. Həmçinin Peç Universiteti ilə Pedaqoji Universitet arasında əməkdaşlıq əlaqələrinin qurulmasının mümkünlüyü də qeyd olundu.

Açılış mərasimində BAMF prezidenti Umud Mirzəyev, universitetin rektoru Cəfər Cəfərov, Peç Universitetinin nümayəndəsi və Gürcüstan Beynəlxalq Təhsil Akademiyasının direktoru Ketevan Tabutsadze çıxış etdilər. Çıxış zamanı mütəşəkkil bir seminarın həm müəllimlərin ixtisasartırma təhsili üçün, həm də Avropada təhsil almaq və ya işləmək istəyən tələbələr üçün əhəmiyyətini qeyd etdilər.

Qeyd edək ki, seminarın ikinci günü ECL sisteminin geniş auditoriyası və Peç Universitetinin tanıtımına həsr olundu. ECL təlimçiləri Piter Sabat və Robert Marş təqdimat keçirdilər və ardınca davam edən müzakirələr tədricən interaktiv söhbətə çevrildi.

Sabah yekun olaraq, imtahanın bütün hissələri və keçirilmə prosedurlarının ətraflı müzakirəsi ilə seminarın praktik hissəsinin aparılması planlaşdırılır.

Qeyd etmək vacibdir ki, BAMF Azərbaycanda, Gürcüstanda, İranda və Orta Asiyada ECL (Müasir Dillərdə Müvəffəqiyyət Sertifikatı üçün Avropa Konsorsiumu) imtahanına hazırlaşmaq və keçmək üçün yeganə imtahan mərkəzi statusuna malikdir.
 
ECL imtahan sistemi 1983-cü ildən 1992-ci ilə qədər olan bir dil testi mütəxəssislərinin beynəlxalq qrupu tərəfindən hazırlanıb. 1999-cu ildən etibarən ECL Beynəlxalq İmtahan Mərkəzi 1367-ci ildə Macarıstanda yaradılan ilk universitet olan Peç Universitetinin Xarici Dillər Katibliyi nəzdində fəaliyyət göstərir.
 
Standartlaşdırmanın ilk mərhələsində müəyyən edilmiş ümumi meyarlara əsasən ECL imtahanları ingilis, fransız, alman, macar, italyan, polyak, rumın, bolqar, serb, slovak, rus, ispan, xorvat, çex və ibrani dillərində keçirilə bilər.
 
ECL imtahanının faydaları aşağıdakılardan ibarətdir:
 
- Bütün ECL dil imtahanları üçün vahid format;
 
- ECL sertifikatının müddətsiz olması;
 
- ECL ən əlverişli beynəlxalq testdir;
 
- ECL imtahanları digər beynəlxalq testlərin bütün üstünlük və mənfi cəhətləri nəzərə alınaraq hazırlanıb;
 
 
 
 
 
 
 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...