Sosial Tədqiqatlar Mərkəzinin (STM)  yaradılmasından 1 il ötür. Mərkəz ictimai əhəmiyyətli məsələlərin araşdırılması və ictimai rəyin öyrənilməsi, bu sahədə təhlil, tədqiqat və proqnozlaşdırma işinin səmərəliliyinin artırılması, sosial tədqiqatlarda müasir informasiya texnologiyalarından və qabaqcıl elmi-metodoloji yanaşmalardan istifadənin genişləndirilməsi baxımından böyük əhəmiyyətə malikdir.

Ölkəmizin gələcək inkişaf  perespektivlərinin dinamikasının səciyyələndirilməsi dövlətin prioritet sahələrindəndir. Bu məqsədlə Ölkə Prezidentinin sərəncamı ilə düz bir il bundan öncə yaradılan Sosial Tədqiqatlar Mərkəzinin fəaliyyətini dövlət və vətəndaş cəmiyyəti əlaqələrinin araşdırılması baxımından nümunə hesab edirəm.  

Dövlət və vətəndaş cəmiyyəti qarşılıqlı münasibətlər sərgiləyən və biri digərini tamamlayan  siyasi strukturlardır. STM bu münasibətlərin dərin təhlili, müxtəlif modellər üzrə modifikasiyası, müasir texnoloji üsullarla aparılan araşdırmalar, eləcə də baş verən proseslərin beynəlxalq təcrübə nəzərə alınmaqla öyrənilməsi, elmi-analitik təhlilin nəticələrini dövlət orqanlarına təqdim edilməsində ciddi töhvələrə imza atıb. 

Qısa müddətli fəaliyyətinə baxmayaraq dövlət qurumlarının, beynəlxalq təşkilatların, vətəndaş cəmiyyəti təsisatlarının böyük etimadını qazanan STM-in Azərbaycanda islahatların aparılması, qərarların qəbul edilməsi, emprik planlaşdırma üçün məlumatların yığılması, konsultativ bazanın formalaşdırılması, ictimai iştirakçılığın təmin edilməsində mühüm rolu vardır.   

İnanırıq ki, yüksək institusional bilikləri, analitik qabiliyyəti ilə ciddi araşdırmalara imza atan Sosial Tədqiqatlar Mərkəzinin rəhbəri Zahid Oruc və onun peşəkar komandası müxtəlif tendensiyaların proqnozlaşdırılması, cəmiyyətin idarəedilməsinin analitik təhlili, sosioloji problemlərin həlli istiqamətində daha böyük uğurlara nail olacaq.