Azərbaycan Şarm Əl-Şeyx festivalında iki filmlə iştirak edəcək | Eurasia Diary - ednews.net

30 Mart, Bazar ertəsi


Azərbaycan Şarm Əl-Şeyx festivalında iki filmlə iştirak edəcək

Cəmiyyət A- A A+
Mədəniyyət sahəsində Misirlə Azərbaycan arasında əlaqələr gündən-günə genişlənməkdədir.
 
 Eurasia Diary yazır ki, Misirin ölkəmizdəki səfiri Adel İbrahimin sözlərinə görə, bu ölkənin mədəniyyət naziri və Cənubi Sinay qubernatorunun himayəsi ilə 20-26 iyun tarixlərində keçirilməsi planlaşdırılan dördüncü Şarm Əl-Şeyx Film Festivalında Azərbaycan tərəfi iki filmlə - rejissor Elçin Musaoğlunun “Nabat ” və rejissor Zamin Məmmədovun “Səs” filmləri ilə iştirak edəcək. Artıq bu müstəvidə Azərbaycan Mədəniyyət Nazirliyi ilə razılığa gəlinib. 
 
Diplomat bundan əvvəl də, ötən ilin mart ayında təşkil edilən Şarm Əl-Şeyx Film Festivalına Azərbaycan tərəfin rejissor Hilal Baydarovun "Ad günü" filmi ilə qatıldığını və bu iştirakın çox uğurlu olduğunu deyib.
 
Səfir həmçinin, tanınmış müğənni Dilarə Kazımovanın öz ansambılı ilə festivalın açılışında təmənnasız çıxış etdiyini, Azərbaycanın sözügedən tədbirin fəxri qonağı olduğunu, eləcə də festivalın rəhbərliyinin qədim Azərbaycan mədəniyyətini nümayiş etdirməyə çalışdığını da diqqətə çatdırıb.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...