Ucundadı dilimin,
Həqiqətin böyüyü
Nə qoydular deyəyim,
Nə kəsdilər dilimi...
ABŞ tarixçisi Tadeuş Svetoxovski onun haqqında deyirdi: "XX əsrin əvvəllərində türk xalqlarına kimliyini bildirən bir nəfər var idi. O da Əli bəy Hüseynzadə idi"
Azərbaycan bayrağının ideya müəllifi, böyük mütəffəkkir Əli bəy Hüseynzadənin bugün doğum günüdür.
Əli bəy Hüseynzadə 24 fevral 1864-cü ildə Salyanda anadan olub.
Türkçülük ideyasının ilk müəlliflərindən olan Əli bəy Sankt-Peterburq Universitetinin Riyaziyyat fakültəsində oxuyub.
Rusiyadakı siyasi qarışılığa görə İstanbula gedir. Burada siyasi fəaliyyətinə görə Osmanlı tərəfindən təqib olunduğu üçün gizli şəkildə gəmi ilə Hindistana yollanır.
Oradan Çinə sonra isə Bakıya gəlib çıxır.
Millətin oyanışında "Milli Mübarizə"yə başlayır.
O zamanlar mətbuat yazırdı: “Biz ki, türk oğlu türkük. Biz ki, millətlərin ən qədimi və ulusuyuq”
1906-ci ildə H.Z.Tağıyevin maliyyəsi ilə “Füyuzat” qəzeti dərc olunur.
“Füyuzat”ın tutduğu yol “türklük, müsəlmanlıq və avropalılıq” idi.
Əli bəy Hüseynzadə hələ1895-ci ildə “Türk qanlı, İslam imanlı, Avropa qiyafəli olalım” fikrini demişdi.
Sonradan bu ideya müstəqil Azərbaycanın bayrağında əks olunur.
1907-ci ildə “Füyuzat” Sultan II Əbdülhəmidin təzyiqi ilə bağlanır.
Daha sonra 1910-cu ildə Əli bəy Türkiyəyə dəvət olunur. Və 1933-cü ilə qədər İstanbul Universitetinin professoru vəzifəsində çalışır.
Əli bəy 1918-ci ildə AXC qurulanda Gəncədə müzakirələrə qatılır. Azərbaycana sonuncu dəfə 1926-cı ildə "Türkoloji Qurultay"da iştirak etməyə gəlir.
Əli bəy 17mart 1940-cı ildə İstanbulda vəfat edir. O, Qaracaəhməd məzarlığında dəfn olunur.
Sonralar 1941-cil ildə qardaşı İsmayıl ailəsi ilə birlikdə sürgün olunur.
Hal-hazırda İstanbulda yaşayan yeganə qızı Feyzavər xanım atasının bütün arxivini Azərbaycan Tarix Muzeyinə hədiyyə edir.
2018-ci ildə Prezident İlham Əliyev Feyzavər xanımı "Dostluq" ordeni ilə təltif edir.