Beynəlxalq Avrasiya Mətbuat Fondunun rəhbəri, Mətbuat Şurasının sədr müavini Umud Mirzəyev İTV kanalında "Sabahın xeyir, Azərbaycan" proqramının qonağı olub.
Xocalı faciəsinə həsr olunan proqramda o, Xocalı soyqırımı və Qarabağ müharibəsinin Azərbaycan xalqına vurduğu ağır zərbələr və onun bu gün də davam etməkdə olan fəsadlarından söz açdı.
Umud Mirzəyev 26 fevral gününündə baş verən Xocalı qətliamını hər bir Azərbaycan vətəndaşının faciəsi olduğunu bildirdi.
"Xocalıda elə bir vəhşət, elə bir vandalizm törədilmişdi ki, bunu sözlə ifadə etmək çətindir. Bunu bəlkə lentlərdə görünən kadrlarda bir az duymaq olar, bir az təsəvvür etmək olar", deyə U.Mirzəyev belə vurğuladı.
O həmçinin, həmin dövrdə medianın səsinin ölkə xaricinə çıxmasına imkan verilməməsi, eləcə də o zamankı informasiya texnologiyalarının mövcud olmadığını xüsusi vurğulayıb. Umud Mirzəyev bildirdi ki, o zaman bütün informasiyaların yayımı mərkəz hesab olunan Moskvadan idarə olunduğu üçün baş verən hadisələri təhrif edərək beynəlxalq aləmə tamamən əks formada çatdırırdılar.
"O informasiyalar bizim burdakı reallığı əks etdirmirdi. Dünyanın çox az sayda jurnalistləri bu hadisə ilə bağlı xəbərdar idilər. Hadisə demək olar ki, baş verdikdən sonra bir sıra ölkələrdən, Rusiyadan, Avropa ölkələrindən, Türkiyədən jurnalistlər axışıb gəlməyə başladılar. Hadisənin sədası demək olar ki, dünyanın bir çox ölkələrinə gedib çatmışdı. Amma qeyd etdiyim kimi informasiya blokadası bizim doğru sözümüzü də yalana bəzən çıxardırdılar. Ondan əvvəl elə 90-cı illərin əvvəllərində başımıza gələn çoxsaylı faciələr vardı. 20 Yanvar faciəsini götürək. Xocalıya qədər bizim Boqanis-Ayrımlı, Cəmilli, Qaradağlı faciələri vardı. Bunlar hər birisi bir-birinə bağlı faciələr idi."
BAMF rəhbəri Azərbaycan tarixində baş vermiş, lakin bu gün bəzilərimizin bilmədiyi faciə və itkilərimizdən də söz açdı. O, 1905-ci ildə dekabrın 26-da o zamankı Cavanşir qəzasının Umudlu kəndində erməni cinayətkarları tərəfindən törədilən qətliam və qətliamda 300 sakinin güllələnərək tariximizə Umudlu faciəsi kimi düşdüyünü qeyd etdi.
Umud Mirzəyev həmçinin Qarabağ həqiqətlərinin ictimaiyyətə çatdırılmasında jurnalistlərin fəaliyyəti və rolunun əvəzsiz olduğunu da vurğuladı. O bildirdi ki, 2008-ci ildə Xocalıya Ədalət kompaniyasını başlamaqla Azərbaycanın haqq səsini bir çox dövlətlərə çatdırmaq mümkün oldu və bunun nəticəsində də bu gün ABŞ-ın 24 ştatında Xocalı faciəsi tanınmaqdadır. BAMF rəhbəri Azərbaycanın dünyaya tanıdılmasında mühüm rol oynayan digər fəaliyyət sahələrindən, eləcə də buna dəstək ola biləcək ölkəmizdəki səfirliklərin rolundan da bəhs etdi.
"Bizim səfirliklərimiz artıq müəyyən fəaliyyətlər göstərməyə başlayıblar. Turizm potensialının artması ilə ölkəmizə çoxsaylı insanlar gəlir. Onların hərəsi bir informasiya ilə gəlib gedirlər. Bizim ölkə ilə bağlı fərqli düşüncəyə malik insanlar buradan gedərkən, ölkələrinə tam fərqli düşüncəylə dönürlər".
Verilişdə çıxışı zamanı Umud Mirzəyev Beynəlxalq Avrasiya Mətbuat Fondunun jurnalistlərlə birgə fəaliyyəti çərçivəsində təşkilatın həmin jurnalistlər üçün Qarabağ zonasına bir çox səfərlər təşkil edildiyini bildirdi.
"90-cı illərin əvvəllərində təşkilatımız tərəfindən yüzdən çox xarici jurnalistin Azərbaycana səfərini təşkil etmişdik. Bugün çox sayda tələbə, jurnalsit və xalq diplomatiyasının nümayəndələrinə səngər boyunca dağıdılmış yerləri, güllələnmiş məzarları göstəririk. İnsnalara faicə ilə bağlı detalları göstərərkən, göz yaşlarını saxlaya bilmirlər.
Onu da qeyd etmək istərdim ki, Qarabağa bir fransızın səfərini təşkil etmişdik. Bilirsiniz ki, Fransada erməni lobbisi güclüdür. İki gün Füzuli və Ağdamda məcburi köçkünün evində qalmaqla o bir yazı yazmışdı. Bir Fransız bu hadisələri təsvir edə bilərmi?
Qətiyyən ora getmədən təsvir edə bilməz!
Dəfələrlə şahidi olmuşuq ki, Bakıya gələn şəxs o regionlara getmirsə, dağıdılmış evləri görmürsə, o insanlarla ünsiyyətdə olmursa, ölkəmiz haqqında onun təsəvvürləri yarımçıq qalır".
Eurasia Diary İctimai Televiziyanın efirində gedən proqramın videosunu sizlərə təqdim edir.