Dövlət Komitəsinin əməkdaşları həmrəylik aksiyasına qoşulublar | Eurasia Diary - ednews.net

9 Aprel, Cümə axşamı


Dövlət Komitəsinin əməkdaşları həmrəylik aksiyasına qoşulublar

Cəmiyyət A- A A+

Bəşəriyyət üçün böyük təhlükəyə çevrilmiş COVID-19 pandemiyasına qarşı ölkəmizdə aparılan genişmiqyaslı mübarizə xalqımızın bu virusun ağır fəsadlarından etibarlı şəkildə qorunmasına yönəlib. Prezident İlham Əliyevin müvafiq  fərmanı ilə yaradılmış Koronavirusla Mübarizəyə Dəstək Fonduna vəsait köçürülməsində əhalinin müxtəlif təbəqələrinin fəal iştirak  etməsi ictimai həmrəyliyin və dövlət-vətəndaş birliyinin bariz nümayişidir.

Qaçqınların və Məcburi Köçkünlərin İşləri üzrə Dövlət Komitəsinin və Məcburi Köçkünlərin Sosial İnkişaf Fondunun əməkdaşları da koronovirus xəstəliyinin  ölkəmizdə yayılmasının qarşısını almaq və onunla mübarizə tədbirlərinə maliyyə dəstəyini təmin etmək məqsədi ilə bu həmrəylik aksiyasına qoşulublar. Dövlət Komitəsi və MKSİF əməkdaşların biraylıq əmək haqqının 50 faizini təşkil edən  30 min manat məbləğində vəsaiti  Koronavirusla Mübarizəyə Dəstək Fonduna köçürüb.

Əhalinin ən həssas qruplarından olan məcburi köçkünlərlə işləyən komitə əməkdaşları əmindirlər ki, dövlətimizin qətiyyətli addımları, hökumətimizin məqsədyönlü tədbirləri, xalqımızın həmrəyliyi, hər bir vətəndaşımızın məsuliyyətli davranışı sayəsində ölkəmizdə bu təhlükəli virusun geniş yayılmasının qarşısı qısa müddətdə alınacaqdır.

 

EDNews

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...