Rayonlardan Bakıya gəlmək istəyən jurnalistlərə köməklik göstəriləcək | Eurasia Diary - ednews.net

25 May, Bazar ertəsi


Rayonlardan Bakıya gəlmək istəyən jurnalistlərə köməklik göstəriləcək

Cəmiyyət A- A A+

“Hələlik Mətbuat Şurasına bayram tətili ilə əlaqədar rayonda olan jurnalistlərdən müraciət daxil olmayıb. Əgər onlar Bakıya gəlmək istəyərsə və bununla bağlı Mətbuat Şurasına müraciət edərlərsə, biz müvafiq qurumlar qarşısında məsələ qaldıracağıq”. EDNews-un məlumatına görə, bu fikirləri açıqlamasında Mətbuat Şurasının sədri Əflatun Amaşov bildirib.

Onun sözlərinə görə, hazırda jurnalistlərin əksəriyyəti onlayn rejimdə işlədiyindən onların fəaliyyətində problem yoxdur: “Bir daha bildirirəm ki, əgər rayonda olub Bakıya gəlmək istəyən jurnalist varsa, onlara Mətbuat Şurasına müraciət edəcəyi təqdirdə, köməklik göstəriləcək. Bu məsələdə heç bir problem yoxdur”.

Qəzetlərin çapı və yayımı məsələsinə gəlincə isə, Ə.Amaşov deyib ki, KİV-in fəaliyyəti ümumi qaydalara uyğun olaraq tənzimlənəcək: “Ölkədə hələ ki, qeyri-iş günlərinin sayı uzadılıb. Rəsmi iş günlərinin başlamasına hələ ki, müəyyən vaxt var. Baxaq görək, bu müddət ərzində mövcud vəziyyətlə bağlı ümumi müzakirələrdə hansı qərarlar qəbul olunacaq. Yəni, KİV-lər də fəaliyyətini ümumi qaydalara uyğun olaraq davam etdirə bilərlər”. (hafta.az)

EDNews

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...