Xəbər verdiyimiz kimi bu gündən ölkədə vətəndaşların küçəyə çıxmaq qadağası gücləndirilib.
Belə ki, evdən çıxmaq istəyən şəxslər 8103 nömrəsinə sms müraciətinə müsbət cavab verildikdən sonra evlərini tərk edə bilər.
Lakin təəssüf ki, bu gün paytaxt bazarlarında müşahidələr aparan müxbirimizin verdiyi məlumatlardan aydın olur ki, vətəndaşların bir qismi heç də xüsusi karantin rejiminin tələblərinə riayət etmir.
"Bu gün Qəbələ ticarət mərkəzində (bazarda) gördüyüm mənzərə utancvericiydi. Bazarda xeyli sayda insan var idi. Bir-iki nəfərdən başqa hamı maskasız və əlcəksiz idi. Üstəlik, minimum 1,5 metrlik məsafə tələbinə əməl edilmirdi, hətta sıxlıq müşahidə edilirdi. Göyərti satana əlcək və maska taxmadığını irad tutduğum zaman mənə "bir ətrafa baxın! Kimsə əlcək taxıb ki, mən də taxım?!"deyərək cavab verdi".
P.S. Hökumətin və mətbuatın bütün cəhdlərinə baxmyaraq görünür, vətəndaşlar hələ də vəziyyətin nə qədər kritik olduğunun fərqində deyil. Adi bir diqqətsizlik, kiçik bir məsuliyyətsiz yanaşma özümüzün, ailəmizin, yaxınlarımızın həyatını itirməsinə səbəb ola bilər. Xalq olaraq bir-birimizə dəstək olaq, bir birimizin həyatını, sağlamlığını düşünək. Çünki, biz birlikdə güclüyük!
8-ci km ("Vasmoy bazarı") kimi tanınan bazarda olan müxbirimiz oradakı, vəziyyəti belə təsvir edib:
"Bu gün həftə sonu olduğundan bazarda sıxlıq müşahidə edilirdi. Hətta deyə bilərəm ki, normaldan daha çox insan bazarda idi. Sanki heç karantin rejiminə keçilməyib. Vətəndaşların bir qismi tibbi maska olmadan bazara gəlmişdi. Satıcılarda da vəziyyət eyni idi, kiminin maskası, kiminsə əlcəyi yox idi. Polisin olmadığı ara küçələr və məhəllələrdə hər zamankı kimi insanların sıxlığı və cəmləşməsi görülürdü . Qəbələ bazarında da vəziyyət heç də bundan fərqli deyil. Oradakı vəziyyətlə tanış olan digər müxbirimiz bu barədə məlumat verib:
