Əziz müsəlmanlar!
Sizi İslam dünyasının Müqəddəs aylarından olan Ramazan ayını gözəl şəkildə başa vurmağınız münasibətilə səmimi qəlbdən təbrik edirəm.
Azərbaycan xalqı həmişə öz milli-mənəvi dəyərlərinə sadiqliyi ilə seçilmişdir. İslam dini də bizim milli-mənəvi dəyərlərimizin ən mühüm tərkib hissələrindən biridir. İslam sivilizasiyasının tarixi-mədəni mərkəzlərindən biri olan Azərbaycanda milli-dini mərasimlər, o cümlədən, Ramazan ayı hər il böyük təntənə ilə keçirilir, xalqımızın və dövlətimizin firavanlığı, əmin-amanlığı üçün dualar edilir. Çox sevindirici haldır ki, mövcud müvəqqəti çətinliklərə baxmayaraq, Ramazan, həmişə olduğu kimi, evlərimizi və qəlblərimizi sevinclə doldurdu, ölkəmizə salamtlıq və firavanlıq bəxş etdi, bütün insanlarda mərhəmət hissini gücləndirdi. Uca Allahın lütfü ilə Ramazan ayında xoş arzular gerçəkləşir. Biz də tutduğumuz oruc, səmimi dualar və xeyirxah işlərlə bu mübarək ayda Yaradandan ölkəmizi və bütün dünya ölkələrini sıxıntılardan tez bir zamanda xilas etməsini dilədik. Xalqımıza sağlamlıq, bol ruzi və bərəkət arzu edirəm. Allah bu ayda etdiyiniz ibadətləri, tutduğunuz orucları öz dərgahında ali dərəcədə qəbul etsin.
ELVİN TALIŞINSKİ
“Elin Səsi” Milli Mənəvi Dəyərlərimizin Qorunması İctimai Birliyinin sədri, Siyasi elmlər üzrə fəlsəfə doktoru, Beynəlxalq Təhsil Akademiyasının həqiqi üzvü.